Ms BIU Santé no 2007, fo 203 vo.
Professores, quàm per varia Xenodochia, multas operationes tum Chirurgicas,
tum Chymicas, hortos Medicinalibus plantis refertissimos, præsertim regium illum in
suburbio Santi Victoris, in quo diversæ speciei stirpium plusquam quatuor millia toto anno
decorantur : illustres alios viros prætereo, ut solis Doctoribus Medicis insistam, quos
alit nostra Schola, toto Orbe celeberrima, supra numerum centum et 14. ex quib.
tamen unus desideratur, maximo nostro dolore nuper extinctus ex catarrho suffocanti,
et à triduo tumulatus in æde S. Nicolai de Campis, juxta ossa Venerandi Senis, et
incomparabilis Parentis, Nic. Pietrei, Viri Illustrissimi, qui hîc obijt anno 1649.
Antiquior Scholæ Magister, anno ætatis 2 81. nempe 1 Platonico. Simon ille
Pietreus, cujus aliquot leguntur Consilia post Consilia Fernelij, ex multis liberis
reliquit duos filios Medicos Paris. Simonem et Nicolaum : primus ille Simon, Decanus
fuit nostræ Facultatis anno 1566. sub quo, jubente Senatu Paris. damnatum
fuit antimonium tanquam venenum, et obijt multa laude cumulatus anno
Christi 1584. Ex duobus Filijs major natu Simon P. Medicus et Professor
regius, obijt anno 1618 æt. 55. alter filius Nicolaus, cui pene totum hoc
tantillum quod scio, gratus debeo, hîc obijt Scholæ nostræ Senior ante annos
17. fuerunt omnes illi, Medici præstantissimi, exercitatissimi, eximij, Regibus
nostris, Carolo 9. Henrico 3. Henrico 4. et Lud. 13. carissimi ; et tamen omnium illorum
singularem eruditionem, polymatheïam et in medendo peritiam, quantum
humanitus licet, longè superavit Io. Pietre, nuper nobis ereptus anno æt. 57.
cui postremo utinam Filius tuus tandem aliquando post multa studia, et
juges vigilias, pro votorum tuorum, imò et meorum complemento, similis eva-
dat : et in hoc voto desino. Priusquam tamen tollam manum de tabula, mentem
meam Tibi paucis aperiam. Schola Monspeliensis hodie jacet tanquam miserum
et abjectum cadaver corpus, Professorum suorum ignavia et inscitia, publico vituperio
dignissima : nec est quidquam quod de isti loco adeundo cogitet Filius tuus :
rei mihi pretiosissimæ, nempe temporis, ut et pecuniarum multarum jacturam
patietur, si illuc proficiscatur : ^ hodie Monspelium nomen vox/ est sine re, nudum et in-/ane nomen, quod nihil significat ;/ nuper fuit olim magni nominis umbra, et hodie verò/ spurcum est cadaver pristinæ/ venustatis, appellatio dum-/taxat et imago famosa et/ fumosa, sine specie ac corpore/ sanctioris Medicinæ. Væ victis :/ væ Philiatris, qui è tali loco/ doctrinam expectant, ac in/ ejus spem frustra multos/ nummos impendunt. longè melius illi futurum spero, si Parisijs
haureat, atque moretur adhuc per usq. ad autumnum : ubi multa videre
poterit, quæ nusquam alibi videretre posset. Nec puto majoris utilitatis aut
momenti futuram peregrinationem Italicam, quæ vix cuiquam proficua esse potest,
nisi forsan ijs qui amant vitia Italica, qualia sunt pæderastia, lues
venerea, Deorum contemptus, imò et atheïsmus, et cætera, quæ à viris probis
nequidem nominari debent. Habes igitur meam sententiam, ut nempe Parisijs
moretur, et acriter studeat linguæ Gallicæ addiscendæ, maximæ Civitati
lustrandæ, Scholas nostras frequentet, morborum omnium naturam et curationem
sibi comparet, ac in regia Galeni methodo strenuus sese exerceat, quod faciliùs
obtinebit Lutetiæ quàm Monspelij, vel in tota Italia, imò et minori dis longè
impendio. Quod utinam feliciter ei contingat, ut tandem ego et Tu, honesto voto
damnati, gratias agere teneamur Deo Opt. Max. qui gressus nostros, ut et
cogitationes nostras divina sua providentia sapienter dirigit. Vale, Vir
præstantissime, ac me quod facis, amare perge. Parisijs, 26. Ianu. 1666.
Tuus ex animo, Guido Patin.
