Neuhaus, Centuria vi, Epistola lxi, pages 88

Domino Lindano supellectilem, illam sacram, li-
bros tuos, acceperam, ad calamum me dedi. Inti-
mum meum animum utraque pagina testatus, cum
in Te, tum in Filium, et Familiam tuam totam.
Quæ, puto, solis eruditis nomen et famam illic
sibi paravit. Omnium scientiarum officina instru-
ctissima. Unde in orbem universum tot oracula
et voces disertæ. Qui verè felicem me fateor, quod
in illam Domum, nescio, qua fatali clementia in-
ciderim. Inter ipsas Tiaras, et Apollineos illos
Deos non ex toto ingloriosus, et ignotus. Utinam !
sic res meæ ferant, ut aliquando beneficiis tuis,
pro dignitate, possem respondere. Patinumque No-
men ac claritudinem, pro merito celebrare. Quo
uno argumento, etiam ingredi licet

Tot veterum monumenta Ducum, tot Templa Minervæ,
Et Druidum tot sacra Schola, Regumque Penates,
Et cum Borboniis insumere tempora Musis.

Hæc Læta et Lauros, mi Patine, interturbant tri-
stes exequiæ Clarissimi Lindani. Qui, cum publi-
co damno, Academiæ nostræ est ereptus. Vir tan-
ti Nominis et splendoris, ut, ab Ipsius morte, penè
tenebræ nobis et barbaries sit oborta. Nos in manes
Ejus immortales, paucos, ut hic vides, versiculos
effudimus. Non sine memoria illustris sui Nomi-
nis. Quod nolim tamen eodem officio et affectu
adhuc prosequi, suo tempore, ab ipso Apolline et
Musis Cœlestibus, digniore Cothurno et Carmine
in Cœlum extollendum. Cæterum, Vir Nob.
nihil te dignum habeo. Nos in pace hic vivi-
mus, securi, utinam ! Suspiciones hinc inde Belli,
malorum. Ut solet in hac vita. Spemque metumque
inter dubii. Vos, pacata jam Roma recta in Turcam
itis. Et Cæsari, quod res nunc postulat, auxiliares
copias mittitis, Utinam ! Christiano orbi Feliciter