Commentaires de la Faculté de médecine de Paris
BIU Santé, tome xiii, fo 487 ro.
2. In ijsdem Comitijs postulavit D. de Buisine, Decanus
Iuris Canonici, adjunctionem Academiæ Paris. adversus Mag.
Petrum Loisel, Academiæ Cancellarium, qui litem ei moverat,
ut in illa Facultate Iuris Canonici, jus electionis et suffragium
haberet, cum alijs Doctoribus Iuris Canonici, etc. In illa re
obscura, difficili et intricata, decretum est in eam litem nobis
esse descendendum cum D. Buisine, nequid detrimenti capiat
res Academica, ibique curandum ut serventur leges et statuta
Iuris canonici, pro ratione postremæ reformationis
Academiæ Parisiensis.
3. Postulavit quoque Mag. Franciscus du
Monstier, Procurator fisci Academiæ, ut adjunctio
viro clarissimo Mag. Gabrieli Naudæo pollicita promissa in
superioribus Comitijs, fieret sumptibus Academiæ, cùm
ipsa contentio sit res non tam ipsius Naudæi quàm
Academiæ, puréque spectet ad rem et commodum gradua-
torum. Omnes tam Decani quàm Procuratores inimus in
eam sententiam.
4. Idem D. du Monstier supplicavit ut subvenire-
tur inopiæ D.D. Dorigni, Parentis et Filij, Sacerdotis
paralytici, et cujusdam emeriti Professoris Philosophiæ,
dicti de Marc : utrique Dorigni indulta est summa
centum libellarum Turon. eademque summa dicto
D. de Marc.
Die Lunæ 17. Iulij, 1652. in comitijs extraordinarijs
Academiæ habitis apud D. Rectorem, actum fuit de
cautionibus quibusdam inveniendis ad securitatem
