Laurentii Opera omnia, 5e partie, page 64.
quo eiusdem 234. differentias assignavit. Certè si eo loci ineptire non
visus est bonus vir, credo tot eius affines aut vicinas, primo Italici
morbi adventu à militibus Gallis compressas ; Atque ut harum nu-
ptiarum signum aliquod in æternam memoriam relinqueret, eiusmo-
di hieroglyphica posteritati reliquit. Sed hæc obiter dicta sunto, et
citra nationis, quæ viros percelebres alit, iniuriam. Hæc omnia J.
Renodæus Medicus Parisiensis, varijs Antidotarij sui locis. In quo
etiam exstat lepidum quoddam ac elegans ænigmaticum Hexastichon,
à Serrano Medico Lugdunensi propositum, de dubia Luis Venereæ
origine.India me novit ; iucunda Neapolis ornat ;
Bœtica concelebrat ; Gallia ; mundus alit.
Indi, Itali, Hispani, Galli, vósque orbis alumni,
Deprecor ego, mihi dicite quæ patria ?Qui plura voluerit de Luis huius origine, videat Forestum, observat
et curationum medicinal. lib. 32. qui est de Lue Veneræa ; scholis in observat.
i. et Fallopium proprio tractatu, cap. 2.
