Commentaires de la Faculté de médecine de Paris
BIU Santé, tome xiii, fo 489 ro.
vir bonus D. Messier, Parochus S<anc>ti Landerici, qui no<min>e
Facultatis Theologorum intercessit, quo minùs illa summa,
de qua suprà, nobis concederetur, ut et alia eadem,
Facultatis Iuris Canonici. Sed illam intercessionem
meliorum temporum conditio, hominum sapientia, et
justitia tandem aliquando diriment.
Die Dominico x. Sept. 1651. comitatum præbui
amplissimo Rectori, Regem Christianissimum adeunti,
et felicem majoritatem gratulaturo. Mihi Decano
aderant amantissimi Collegæ D.D. le Vasseur, Merlet
junior, Courtois, Scholarum Censor, Ioannes-
Baptista Moreau, Robertus Patin.
Die Sabbathi, 7. Octobris, 1651. in comitijs ordi-
narijs Academiæ, concessum fuit Mag. Petro du
Laurens, Doctori Sorbonico, et Cluniacensis Monasterij
Priori, ut habere posset in suo Monasterio Ph<ilosoph>iæ
Professorem, ex Academiâ Parisiensi, pro suis
Monachis Benedictinis ; qui Professor pervenire
posset ad Societatem Sorbonæ ex eo cursu philosophico,
perinde ac si per biennium docuisset in aliquo gymnasio
Academiæ Paris. sed ea lege ut Monachos illos tantùm
doceat, nullúmque secularem admittat, nequidem com-
morantem in illo Monasterio : quod si secus fecerit, illico
jure suo privetur.
Decretum quoque fuit, denegandam esse Monachis
S<anc>tæ Genovesæ Paris. licentiam obtinendi aut invadendi
Collegium urbis Sylvanetensis : eáq. de causa, D<omi>num
Ducem de S. Simon, illius Urbis gubernatorem, ab
