Page 101

addiderant Excell. Equitis Grimaldi, pacis bellique
artibus clarissimi, atque etiam Venetorum Magnatum,
quos mihi sola αγαθη τυχη conciliauerat, litteræ, quibus
ad suscipiendam in archi-Lyceo Patauino medicinæ
professionem sollicitabar. Sufflaminabant è contra-
rio litteræ aliæ morum diuersitatem memorantes. Vicit
tamen quam primùm susceperam cogitatio ; virtute
superare quælibet aduersa forti animo recepi. Patauium
cum uxore dilectissima Magdalena, Petri Hommetz
medici Parisiensis eximij filia, superatis Alpibus ac-
cessi. Hic reticere nequeo unius Patauini magnificen-
tiam, Ioannis Comitis a Lazara, qui aduentantem me
ædibus amplissimis excepit, pro quarum locatione
etiam scriptis consignato tantæ liberalitatis testimo-
nio, ne beneficij quidem gratiam quamcunque postu-
lare visus est. Inter Venetos, Baptista Nanius, D.
Marci Procurator, Reipublicæ lumen
cognominatus, mihi imprimis dum viueret patronus
exstitit : Nunc ejus mihi locum explet Siluester Vale-
rius, D. Marci Procuraor et Academiæ Moderator,
qui una cum collegis cathedram Auicennæ interpre-
tando destinatam cum annuo ccc ducatorum stipen-
dio, mdclxxvi. concessit, quod illico Senatus Con-
sulto confirmatum est.

Tribus abhinc annis mihi nouus honos accessit,
equestris scilicet dignitas, ab Excell. Collegio perho-
norificè collata, quam torque aureo publicè condeco-
rauit Serenis. Venetiarum Dux Aloysius Contarenus.

Anno C. mdclxxxi. dum in arte mea tum docen-