Ms BIU Santé 2007, fos 389 vo et 390 ro.
intelligant, sive sit Opium verum et
proprie dictum veterum Medicorum
ut Dioscoridis et Galeni, sive sit dun-
taxat Mechonium Dioscoridis, ut pla-
cet Mathiolo et singulis recentio-
ribus eruditissimis viris et in materia
Medica intelligentissimis : nec vos
unquam moveant ad illud usurpandum
speciosæ illæ pollicitationes Chymista-
rum, quorum proprium est nugari, men-
tiri et per varias imposturas hom-
icidiaque multa peragere sua expe-
rimenta, cum suo Laudano deleterio
mortiferoque veneno, ducentis variis
præparationibus vexatissimo, post quas
tamen venenum adhuc remanet.
Sapite igitur et abstinete ab Opii usu,
monitique tandem meliora atque tutiora
usurpate remedia à Majoribus magistris
probata atque selecta, quæ partis dolen-
tis sensum non tollant aut hebetent,
quod facit Opium, sed semper cum ma-
nifesto νεκροσεος periculo : verum po-
tius recurrite ad generalia remedia,
quæ morbi causam averruncent, qualia
sunt cum exquisita victus lege venæ
sect. toties repetita, quoties morbi ma-
gnitudo postulabit et vires ferent,
[390 ro]
purgatio moderata et morbi vehemen-
tis αναλογα, enemata refrigerentia,
interdum solutiva ; balneum, semicupium, non
neglectis topicis idoneis et frangendæ vel
demulcendæ doloris acrimoniæ accommo-
datis : ne ægris curæ vestræ commissis
idem contingat infortunium, quod multis ex-
emplis evenisse testatur Schenkius in
observationibus, tot miseris, qui ab ejusmodi nar-
coticorum et opiatorum usu, sive fuerint
Collyria, Clysteres, suppositoria vel Pi-
lulæ vitæ cum morte commutarunt.
Alia quoque exempla leguntur non pœniten-
da apud Marcellum Donatum, l. 4. de
medica historia mirabili pag. 404. sed
omissis et inconsultis ejusmodi scripto-
ribus, qui multa cura indefessoque stu-
dio varia congresserunt exempla tot
ægrorum, quos Opium narcotica sua fa-
cultate et venenata malignitate suffo-
cavit, vim ejus deleteriam statim vo-
bis perspectam habebitis ; si attendatis ad
tot homicidia, quæ pene quotidie, aut
saltem frequenter, nimiâ sacræ The-
midis indulgentiâ, patrant Chymistæ
et ignari illi atque imperiti de grege
fanatici Paracelsi nebulones carbo-
narii ac fumivenduli cum suo Laudano
