Page 49, thomæ bartholini de lacteis thoracicis historia anatomica.

exinde ipsi experti sumus, et contra Riolanum demonstra-
vit nuper Eruditus Vir Jo. van Horne amicus veteri neces-
situdine mihi conjunctissimus Exerc.2. th.5.

Nat. Highmorus Anglus, nuperrimus scriptor accu-
ratus in Anatomiis Animalium benè versatus, vidit et
elegantibus figuris lib.1. part.2. c.7. demonstravit lacteas
venas à pancreate majoribus paulò surculis per Portæ late-
ra undiqvaqve qvam qvibusdam in locis annuli instar cin-
gunt in jecoris cavam, non duobus tantum ramis, sed plu-
ribus, imò septenis, etiam post mortem facilè monstran-
dis, subire, indeqve illatas in hepatis parenchyma, ibi qva-
qvaversum disseminari dum obliterentur.

Ipse ego ante annos paucos in Orbe pisce utriusqve se-
xus non solum venas lacteas inveni sæpius, sed verum in
hepate insertionis locum semper controversum, mon-
straviqve pluribus Viris Anatomiæ peritissimis, Wormio,
Sperlingio, S. Paulli, Fuirenio, Pouchio etc. qvi adhuc de
visæ rei veritate testari possunt. Is erat tertius hepatis lo-
bus minor ille et mollior, qvem lacteus candidusqve ramus
satis magnus ingrediebatur ex glandula magna haud pro-
cul locata, lacteoqve humore turgida, ad qvam pleræqve la-
cteæ ex mesenterio et appendicibus ventriculi commea-
bant Figurâ id illustravi, quæ extat in Anatome mea Re-
formata. Veritas ut magis mihi innotesceret totam hanc
hyemem extis canum consulendis insumpsi, variisqve post
pastum in Theatro nostro apertis, experimentum feci plu-