| magnam quoque thoracis sedem integens. Exortus præsentis musculi numeris indicatur, quibus secundi thoracem mouentis musculi insertiones significantur. Cæterum R ad X albam ostendit lineam, quam aliter simplici colore exprimere non datur, et omnium exemplarium tabulas suis coloribus distinguere esset quidem operæ precium, ut membranea pars a carnea promptissime distingueretur, uerum sumptus quibusdam esset non admodum mediocris. |
| X | Penis sua cute, quem præputium uulgo uocant, liberatus, in quo ducitur recta linea, duorum ipsum constituentium corporum coitum indicans, quæ subsequens tabula sub q ostendit dissecta, uerum horum naturam omnium lucidissime tabula docet quadragesimonono Capiti præsentis Libri prælocanda. |
| Y | Vasa seminaria sua adhuc tunica, quam peritonæum educit, intecta. |
| Z | Musculus anterior cubitum flectentium. |
| a et a | Posterior cubitum flectentium. |
| b | In interno brachij latere b occultatur, notans musculum cubitum extendentem, qui ab humiliori scapulæ costa principium sumit. |
| c | Musculus bicorni tendine brachiale extendens. |
| d | Musculus radium in supinum ducens, ac inferiori radij appendici implantatus. |
| e | Superior radium in pronum mouentium musculus. |
| Λ | Musculus brachiale flectentium alter, postbrachiali ante indicem insertus. |
| f,g,h | Ac f ipsius notat principium, g tendinis ex musculi uentre exortum, h sedem, qua tendo negligentius secanti desinere putaretur. |
| Π,i,k | Musculus latum summæ manus producens tendinem, cuius caput i indicatur, tendinis autem ipsius principium k. |
| l | Ac l locum insinuat, ubi tendo primum dilatescere incipit. |
| m | Musculus alter inferiorque brachiale flectentium. |
| n | Hic obscure uidetur portio musculorum, quorum alterum brachiali, alterum uero pollici tendines offerre dicam, ac inter digitos mouentes, uigesimisecundi et uigesimitertij loco habiturus sum. |
| o | Excarnis primi pollicis internodij sedes. |
| p | Musculus ab indice pollicem remotissime abducens. |
| q | Insignior duorum primum pollicis os flectentium. |
| r | Musculus minimum digitum maxime a reliquis amouens, ac in sequenti tabula η insignitus. |
| Σ | In dextro crure primus notatur tibiæ motus opifex, |
| ∫,t,u | cuius initium ∫ insignitur, t tendinis illius principium, u eiusdem insertio. |
| 2,3 | Cæterum character 2, insertionem secundi notat tibiam mouentis musculi, 3 uero, insertionem tertij. |
| Φ | Sextus tibiam mouentium musculus, cuius principium notat,x, y uero sedem, ubi carnosus esse desinit, membranæque modo toti femoris amplitudine obducitur. Haud licuit aliter ipsius tendinem membranam'ue exprimere, quam hic modo in utroque femore obseruatur, in quo tenuissimam ipsius partem, interiori femoris sedi obductam, ueluti laceram membranam dissecuimus, ut sectio aliquantisper membranæ naturam commonstraret. Quicquid enim ad externum inæqualis illius lineæ sectionis'ue latus habetur, ipsa adhuc est sexti musculi membrana seu tendo. |
| α | Musculus tibiam mouentium nonus. |
| β | Octauus tibiam mouentium, magis in sinistro crure, quam in dextro, a sexto tibiæ motuum autore detectus musculo. Septimo uero tibiam mouenti, characterem non adhibui, quod uniuersus sexto adhuc obtegatur. Quanquam Φ illum quoque insinuare possit, quum sexti musculi membrana non eam attingat crassitiem, qua subditorum musculorum effigiem obliterare queat. |
| γ | In inguinum regione indicantur musculi, quos femur mouentium sextum et septimum recensebimus. Cæterum γ glandulas quoque insinuat inguinum una cum sinu, ex quo uasa crus petentia resecui. |
| δ | Musculus femoris motorum octauus. |
| Ε | Musculus tibiæ motus opificum secundus, cuius tendinem character 2 commonstrat. |
| ζ,η | Excarnis tibiæ ossis pars, uerum η priuatim internum notat malleolum. |
| Ψ,θ,κ | Sextus pedem mouentium musculus, cuius exortum θ indicat, κ autem principium sui tendinis, cuius ductus citra characterum appositionem manifestus est, quanquam ξ insertionis quasi ipsius sedem ostendat. |
| λ | Musculus septimus pedem mouentium. |
| μ | Musculi pollicem extendentis tendo. |
| ν | Musculus quatuor digitos extendens. |
| ξ | Musculus pollicem a cæteris digitis in internum latus abducens. |
| ο | Transuersum ligamen in anteriori tibiæ sede positum, ac facta sectione in latera reflexum. |
| ϖ | Tendo bicornis musculi pedem mouentium noni. |
| ρ | Primus pedem mouentium. |
| ς | Pedis motorum quartus. |
| τ | Longissimus gracillimusque tendo, a tertio pedis motus autore productus musculo. |
| υ | Musculus tertium quatuor digitorum os flectens. |
| Φ | Pedem mouentium quintus. |
180