| o | Abdominis musculus oblique descendens, quem hic in posteriora ab abdomine reflexum finximus. |
| Π | Abdominis musculus oblique ascendens, ac totam, uti conspicis, sui lateris abdominis sedem amplectens, quem quodammodo circunscribunt o, n, p, q, et linea secundum inferiorem abdominis sedem ad ilium os, et coxendicis, et pubis ducta. |
| p,q | Portio obliquorum abdominis musculorum descendentium, quæ ad albam in abdomine apparentem lineam est relicta. Cæterum q priuatim significat penis constructionem, qui ad pubis os, qua primum flaccidus, deorsum denuo propendet, dissectus est. Duo itaque uelut insigniores circuli, duo ipsius sunt corpora, circulus autem sub illis consistens, meatus est urinæ seminique communis. |
| r,∫ | Vasa seminaria, quæ hic priuatim enarrare non proposui, quemadmodum etiam neque testis musculum, cui ut a vasis distingueretur, ∫ asscripsi. Verum hunc 22 figura Libri quinti ψ edocebit. |
| t | Musculus cubitum flectentium anterior, cuius interioris principij carnosæ parti nullum adhibui characterem, quum is hic, uti neque in sequenti tabula, adhuc auferri possit. Interuallum autem inter duo ipsius apparens principia, humeri seu brachij os existit. |
| u | Musculus cubitum extendens, cui ab humiliori scapulæ costa principium præbetur. |
| x,x | Posterior cubitum flectentium musculus. |
| y | Musculus superior radium in pronum ducentium. |
| α | Radium in supinum agentium longior. |
| β | Musculus quatuor digitorum secundos flectens articulos. |
| Σ | Musculus ulnæ exporrectus, et brachiale flectens. γ ipsius caput. δ ipsius insertio. |
| ε | Musculus alter brachiale flectens, hicque deorsum dependens. |
| ζ | Musculus primum parui digiti internodium uersus exteriora flectens. |
| η | Hic musculus propendet, paruum digitum a reliquis in externum latus abducens. |
| θ | Transuersum ligamen in interna brachialis sede obuium, tendinibusque hac repentibus obductum. |
| ι | Musculus maior, primum pollicis os flectentium. |
| κ | Propendet hic musculus, cuius beneficio pollicem ab indice maxime remouemus. |
| λ | Latus summæ manus tendo una cum ipsius tendine, a summis quatuor digitorum aciebus in dextra manu dependens. Præterea hic in utriusque manus uola tendines occurrunt mucosis membranis induti, atque ad digitos protensi. |
| μ | Secundus femur mouentium musculus. |
| ν | Primus femur mouentium musculus. |
| ξ | Ossis sacri ossis dextro lateri commisi sedes, a qua primum et sextum tibiam mouentes resecuimus. |
| & | Charactere et sedes insignitur maioris exteriorisque femoris processus. |
| Φ | Nonus tibiam mouentium musculus, |
| ο,ϖ,ρ | cuius initium supra coxendicis articulum incipiens ο notatur, ϖ uero tendinis ipsius principium, ρ sedes indicatur, qua præsentis musculi tendo subditis connascitur tendinibus. |
| ς | Musculus femur mouentium septimus. |
| τ | Musculus femur mouentium sextus. |
| υ | In sinistro femore musculus υ insignitur, femur mouentium octauus. |
| φ | Quinti femoris motui seruientium. |
| χ | Secundus tibiam mouentium. |
| ψ | Octauus tibiam mouentium. |
| ω | Septimus tibiam mouentium musculus, in dextro femore insignitus, quod ibidem is sit conspectior. |
| 2 | Primus tibiam mouentium musculus. |
| 3 | Sextus tibiam mouentium. |
| 4,5,6 | Sextus pedem mouentium musculus, una ut duo præcedentes, ab insertione pendens. Cæterum in sinistro crure etiam obseruatur primi tibiam mouentium, et huius sexti pedem mouentium insertionis portio, huius quidem insertioni charactere 6, illius uero 5 insignito. |
| 7 | Septimus pedem mouentium musculus. |
| 8,9 | Excarnis tibiæ ossis pars, a cuius externo latere sextus pedem mouentium musculus ablatus est. Verum 9 priuatim interiorem notat malleolum. |
| Ψ,10,11 | Musculus quatuor pedis extendens digitos. 10 ipsius exortus insignitur. 11 uero ipsius sedes, qua portionem suam emittit, quam noni pedem mouentis musculi loco numerabimus, et hic Ω notauimus. |
| 12 | Musculi insigniti sedes, quatuor tendines, quibus quatuor digiti extenduntur, pullulans. |
| Ω | uti et iam paulo ante scripsi, musculus notatur inter pedis motores nonus, |
| 13 | qui bicorni tendine insertionem 13 notatam tentat. |
| 14 | Musculus pollicem extendens. |
| 15 | Musculus pedem mouentium octauus. |
| 16 | Musculus pedem mouentium secundus. Reliquos autem in posteriori tibiæ sede non notabimus, quod eadem hic cum tribus tabulis præcedentibus sit ratio. |
183