| A | Foramen quo neruulus tertij paris neruorum cerebri, frontis musculum petit. |
| B | Temporalis musculus. |
| C,D | Hic magna ossis iugalis portio execta est, ut temporalis cum massetere, quem D insigniuimus, coitus in conspectum ueniret. |
| E | Foramen quo surculus tertij paris neruorum cerebri, ad superius labrum, et alas nasi deducitur. |
| F | Amplus musculus a superiori maxilla in inferiorem productus, ac buccarum motibus seruiens. |
| G | Nerui utrinque ad hunc characterem occurrentes, labro inferiori exporriguntur. Cæterum superior characteris sedes, fungosam labrorum substantiam insinuat ad utrunque labrum conspicuam. |
| H,I | Musculus inferiorem maxillam deorsum trahens. Singuli characteres singulos eius musculi uentres notant, in quorum medio excarnis musculi pars consistit. |
| K | Portio musculi caput mouentis, ac a pectoris osse et clauicula, mamillari processui insertus. |
| L | Os υ imaginem referens. |
| M | Primus et secundus linguæ musculi, ab osse hyoide[3]pronati. |
| N | Laryngis cartilago scutum referens, et iam narrandis musculis adhuc obtecta. |
| O | Dexter duorum musculorum ab osse υ referente, in cartilaginem scuto similem insertorum. |
| P | Dexter musculorum, qui a pectoris osse scutum imitanti laryngis cartilagini inseruntur. Ad huius musculi exterius latus, congeries uisitur soporariæ arteriæ, interioris uenæ iugularis, et sexti cerebri neruorum paris. |
| Q | Asperæ arteriæ anterior sedes. |
| R,S | Musculus ossi υ imaginem exprimenti proprius, et a scapulæ superiori costa enatus : singuli characteres singulos ipsius indicant uentres. Pars autem in horum medio consistens, eius musculi pars est, tendinis substantiæ non absimilis. |
| T | Portio musculorum secundi paris caput mouentium. |
| V | Tertius scapulam mouentium musculus. |
| X | Quoniam hic locus nihil aliud peculiariter, quam septima tabula in homine ostendisset, et quia Galeni sententiæ, quum hæc pingeremus, plus æquo fauimus, musculum hic ex cane delineatum cernis, quo homines prorsus destituuntur, et Galeno tertius thoracem mouentium habetur, sequenti tabula integer Γ notandus. |
| Y,Z | Dextri lateris clauiculam hic a pectoris osse auulsimus, adhuc summo humero connexam, et sibi adhuc musculum seruantem, qui thoracis motorum primus numerabitur, hicque Z insignitur. |
| a | Summus humerus, seu scapulæ elatior processus. |
| b | Interior demissior'ue scapulæ processus. |
| c | Ligamentum huius articuli peculiarium quartum ab interiori scapulæ processu summum humerum petens. |
| d | Ligamentum teres ab apice interioris scapulæ processus, in anteriorem sedem externi capitis humeri insertum, ac huius articuli primum. |
| e | Aliud teres ligamentum, ex eminentissimo scapulæ acetabuli sede, ad externum quoque humeri caput procedens, atque huius articuli ligamentorum secundum. |
| f | Hac sede duo ligamenta d et e insignita, suis lateribus uniuntur, et uelut transuersum efformant ligamentum, transmittens caput externum musculi cubitum flectentium anterioris, ac mox ζ notandi. |
| g | Pectoris os, cui septem superiorum costarum cartilagines utrinque connectuntur. |
| h | Prima thoracis costa, reliquæ dein etiam una cum interuallis citra characterum opem sunt conspicuæ. |
| Γ | Musculus scapulam mouentium primus. |
| i,k,l | i et k huius musculi principium notant, quandam manus speciem perinde, ac musculus ipsi succumbens, et m insignitus repræsentans. l tendinem præsentis musculi indicat. Porro i, k et l simul huius musculi trianguli speciem quodammodo ostendunt. |
| m | Musculus qui a scapulæ basi pronatus, octo superioribus thoracis costis inseritur. |
| Δ,n,o | Dexter rectorum abdominis musculorum : n carneum recti abdominis musculi principium triangulo non absimile : o principium eiusdem musculi nerueum, pene uniuersum efformans musculum. |
| p,q | Toto interuallo a p ad q pertinente, recti musculi internis suis lateribus inuicem contigunt. Tota autem sede supra q, aut supra umbilicum consistente, tanto magis musculi mutuo seiunguntur, quanto altius conscendunt. Cæterum q notabit etiam obliquorum abdominis musculorum neruosæ tenuitatis, ad transuersum abdominis musculum hac in parte connexum. |
| r | Hæc linea carneam recti musculi partem finit, quæ ultima ipsius insertionis in homine est portio, uti in 4 tabula ad characterem n est cernere. |
| ∫ | Intercapedine igitur ab r ad ∫, hic notatur recti simiæ abdominis musculi tendo seu membrana, excarnis'ue musculi pars. |
| t | t autem indicat carneam musculi sedem primæ costæ et secundæ thoracis insertam. |
| u,u,u | u,u,u inscriptiones, seu neruea delineamenta, transuersim recto musculo impressa, quibus oblique ascendentis musculi neruosa exilitas pertinacissime connascitur. |
185