| x | Linea hæc portiunculam notat oblique ascendentis musculi, qua is transuerso abdominis musculo inibi adeo ualide committitur, ut inter dissecandum, nisi relicto eiusmodi signo, a transuerso liberari nequeat. |
| y | Transuersus abdominis musculus. |
| α | Oblique ascendens abdominis musculus ab abdomine reflexus. |
| β | Vasorum seminalium portio. Cæterum tres illi quodammodo circuli ad rectorum musculorum radicem seu iuxta n, et o ac p conspicui idem notant, quod in mox præcedente tabula, absecti nimirum penis constructionem ac naturam. |
| γ | Reuersa est musculi brachium attollentis anterior pars. |
| δ | In sinistro brachio insertionis pars adhuc reliqua est, musculi brachium attollentis. |
| ε | Excarnis humeri pars, inter duo capita apparens musculi cubitum flectentium anterioris. |
| ζ | Cubitum flectentium musculus anterior. |
| η | Musculus cubiti extensionis autor, cuius principium ab inferiori scapulæ costa pronascitur. |
| θ,θ | Posterior musculus cubitum flectentium. |
| ι | Superior musculus eorum, qui radium in pronum agunt. |
| κ | Radium mouentium longissimus, cuius auxilio radius in supinum ducitur. |
| Θ | Quatuor digitorum secundum os flectens musculus. |
| λ,μ | ipsius principium sub musculo radio peculiari, et λ notato, reconditum. μ musculi huius in quatuor carneas partes distributio, quæ postmodum in singulos tendines degenerant. |
| ν,ξ | Transuersum interioris brachialis sedis ligamentum, longa sectione diuisum, et utrinque in latus reflexum. Verum præterea ν musculum priorem primum pollicis os flectentium commonstrat, ξ autem musculum, cuius ope primum parui digiti internodium extrorsum flectitur. |
| ο | Porro quod ad quatuor tendinum, secundum quatuor digitorum os flectentium seriem attinet, omnia sunt conspicua, quamuis interim indici, et paruo, huius indicationis gratia ο inscripserim. |
| ϖ | Nonnihil hic sese offert musculus, quatuor digitorum tertium flectens os. |
| ρ | Portio musculi tertium pollicis internodium flectentis, qui in sinistro cubito est conspectior. |
| * | Musculus ulnæ exporrectus, quo brachiale flectitur. |
| ς | Secundus femur mouentium musculus. |
| τ | Apparet hic obscure femoris caput coxendicis ossis sinum subiens, et ligamento obductum, sed τ in hoc præcipue adhibetur, ut ceruix, seu collum femoris hic indicaretur. |
| υ | Femoris magnus exterior'ue processus. |
| φ | Femur mouentium septimus. |
| χ | Femur mouentium sextus. |
| χ | Femur mouentium octauus. |
| ω | Quintus femur mouentium musculus. |
| Λ | Septimus tibiam mouentium musculus. |
| 2,3 | 2 ipsius amplum principium a radice magni femoris processus enatum. 3 hic in tendinem latum desinit cum octaui et noni musculorum tibiam mouentium tendinibus commixtum unitumque. |
| 4 | Hæc linea illum in anteriori femoris sede terminat, ubi octauus musculus ipsi primum subijci incipit. |
| Ξ | Octauus tibiam mouentium musculus. |
| Π | Π octauum quoque tibiam mouentium musculum indicat, sed priuatim sinum ostendit, cui nonus tibiam mouentium musculus insidebat, qui hic propendens ς insignitur. Maximam itaque sinus sedem octauus musculus constituit, uerum septimus eius tantam portionem efformat, quanta a linea 4 insignita ad umbram septimi musculi usque protenditur, ita sane, ut ab utrisque musculis sinus iste consurgat. |
| b | Hic propendet musculus tibiam mouentium secundus. |
| Σ,Φ | In hac tibia, tibiæ os anteriori sede prorsus excarne cernitur. Superest enim hic duntaxat ex omnibus musculis illi adnatis, musculus pedis pollicem extendens, et modo Φ insignitus, cuius tendini 7 inscriptum conspicis. |
| 8 | Septimus pedem mouentium musculus. |
| 9 | Octauus pedem mouentium. |
| Ψ | Carnea moles in superiori pedis sede reposita, quæ in quatuor carneas partes digesta, quatuor educit tendines, et pollicem, et tres ipsi proximos digitos in latus externum mouet. |
| Ω,& | Hic prosternitur musculus quatuor extendens digitos, una cum ipsius portione, quam noni pedem mouentium musculi uice recensuimus, ac cui iam & inscriptum cernis. Musculis posteriorem tibiæ sedem occupantibus nullos adhibui characteres, quod ipsorum eadem cum præcedentibus tabulis adhuc sit series et copia. Atque hac etiam occasione excarnes tibiæ ossis et fibulæ sedes, innotatas conspicis, quod scilicet ex prioribus tabulis iam pridem has didiceris. |
186