SEXTÆ tabulæ caput in posteriora reflexum est, et maxillam inferiorem in summo mento diuisam, et utrinque in latera deductam refert.
A | Hic iugalis ossis portionem exsecui. Verum A præterea insinuat, temporalis musculi in acutum inferioris maxillæ processum insertionem. |
B | Acutus maxillæ inferioris processus. |
C | Sinistra maxillæ inferioris pars. |
D | Musculus in ore delitescens, qui internæ inferioris maxillæ sedi, ubi latissima est, inseritur. |
E | Gurgulio a palati fine propendens. |
F | Glandula sinistra amygdalæ non absimilis, ac eminentissime laryngis sedi apposita. |
G | Lingua, uerum superior characteris pars, laryngis operculo est contermina. |
H | Hac sede plures capitis et ceruicis motibus famulantes musculi confunduntur. |
I | Musculus inferiorem maxillam deorsum trahens, hic ab exortu pendet. |
K | Tertius hominis scapulam mouentium. |
L | Glandula sinistro laryngis radicis lateri adnata. |
M | Aspera arteria. |
N | Hæc congeries, est uasorum et neruorum lateribus asperæ arteriæ exporrectorum : quanquam et musculi dorsum mouentium primi aliqua ex parte se ostendant. |
Γ,O,P,Q | Quoniam hanc pectoris collique sedem, illi similem delineare oportuisset, quam sequens ostendit tabula, non abs re fore duxi, ex cane hunc Galeni musculum exprimere, qui a transuersis uertebrarum ceruicis processibus originem O notatam ducens, ad quartam usque costam carnosus fertur, ubi P notatus, in membraneum cessat tendinem Q insignitum, et deorsum ad aliquot costas ad huc pertinentem. |
R | Musculus a scapulæ basi principium ducens, thoracemque mouentium secundus. Pectoris os citra characterum impositionem conspicuum est, quemadmodum et costæ, et earundem interualla una cum exterioribus musculis intercostalibus. |
S | Quo tamen melius singula expendas, significet S tertiæ costæ os. |
T | Tertiæ costæ cartilaginem. |
V | Musculum exteriorem intercostalium, in tertiæ et secundæ costarum interuallo repositum, cuius fibræ deorsum in priora feruntur. |
X | X uero denotabit exteriorem intercostalium musculum, inter secundæ et tertiæ costarum cartilagines conspicuum, cuius fibræ sursum in anteriora prorepunt. |
a | Arteria et uena, sub pectoris osse deorsum ad abdominis superiora propagatæ. |
Δ | Transuersus abdominis musculus, quem costarum ductus seu fines, et ossis sacri ossis sinistro lateri commissi regio, abunde hic circunscribunt. |
b | Cæterum b sedem notat, qua oblique ascendentis musculi tendo, abdominis transuerso pertinacissime adnascitur, priusquam rectum conscendat. |
c | c autem indicat asperitatem, quam musculorum oblique ductorum cum transuersis musculis connexus inibi molitur, uti recti musculi supra umbilici sedem, uersus pectoris os mutuo dehiscunt. |
d | Foramen uasis seminarijs uirorum uiam præbens. |
e | Vena et arteria, in rectos abdominis musculos, conterminasque sedes excurrentes. |
f | Hic sinistri lateris rectus abdominis musculus, a pubis osse dependet. |
g | Spina ossis ilium, carnosis partibus duorum obliquorum abdominis musculorum liberata. |
h | Scapulis et sinistro brachio mentem accommoda, ibidem nanque h superiorem notat scapulæ angulum, cui musculus K insignitus inseritur, deinde et superiorem quoque scapulæ costam h eadem opera tibi indicare poterit. |
k | Summus humerus, seu scapulæ elatior processus. k Musculus brachium mouentium quintus. |
l | Interior scapulæ processus, anchoræ imaginem referens. |
Θ,m,n | Musculus anterior cubitum flectentium, cuius exterius caput, quod a scapulæ acetabuli supercilio, nascitur, m notat, n uero indicat internum caput ab interiori scapulæ processu enatum. |
o | Quo tamen huius capitis nerueam partem a carnea exquisitius discernas, huius tabulæ dextrum brachium spectabis, in quo n nerueam partem denotat, o autem carneam. At non hæc duntaxat tabula eas commonstrat partes, imo priores ad unum omnes. |
p,q | Cæterum p duorum capitum coitum indicat, q uero tendinis, quem musculus hic educit, principium. |
r,r | Musculus posterior cubitum flectentium. |
∫ | Musculus cubiti extensionis autor, cuius principium ab humiliori scapulæ costa enascitur. |