HÆC tabularum anteriorem corporis faciem exprimentium postrema est, musculos adhuc in anteriori hac sede obuios, exsectionisque serie reliquos proponens. Vt uero interiores intercostalium ostenderet musculos, et eos qui in interna thoracis sede pectoris ossis attenduntur lateribus, os illud una cum costarum cartilaginibus exectum, ad dextri cruris latus euersum, atque sub dextræ manus indice propositum cernis.
| A,B | Musculi collum, superiorem'ue dorsi partem flectentes, dorsumque mouentium primum coniugium. |
| C | Musculus a prima enatus costa, ac secundi dorsum mouentium paris alter. |
| D,D | Exteriores musculi intercostales, in ossium interuallis conspicui. |
| E,E | Interiores musculi intercostales, in ossium interuallis obuij. |
| F,F | Musculus octo thoracis costis insertus, ipsiusque motorum secundus. |
| G | Vtrinque scapula modo sectionis serie, nuda excarnisque est, ac sua sede dimota. |
| H | Musculus dependet, brachium antrorsum circumuertens, scapulæque cauum occupans. |
| I | Musculus superiori scapulæ basis angulo insertus, ipsamque agentium tertius. |
| Γ,L,M | Posterior cubitum flectentium, cuius principij elatior exteriorque pars L insignitur, demissior uero interiorque pars M. |
| N | Insertio autem præsentis musculi N indicatur. |
| O | Radius. |
| P | Vlna. |
| Q | Tendinis musculi pars cubitum flectentium anterioris. |
| R | Musculus ab insertione dependet, radium in pronum mouentium superior. |
| S | Musculus ab ulna dependet, radium in pronum ducentium inferior. |
| T,V | Sede T insignita ligamentum, brachiale ad cubitum nectens, crassius apparet, ut etiam sede V notata. |
| X | Musculi ab insertione propendent, secundum pollicis internodium flectentes. |
| Δ | In postbrachiali dilucidius exprimi nequierunt octo musculi, quatuor digitorum primos articulos flectentes. |
| Y | Cæterum dextra manus in latus picta est, ut musculum Y insignitum offerret, qui primum indicis os introrsum flectit. |
| Θ,a,b | Sextus femur mouentium musculus, cuius initium e uertebrarum procedens corporibus a insignitur. b uero ipsius sedes, ubi tendinem educere incipit. |
| Λ | Septimus femur mouentium musculus. |
| Ξ | Musculus dorsum mouentium nonus. |
| Π | Sacrum os, ex cuius anterioribus foraminibus nerui prosilire hic uidentur. |
| Φ,c | Quintus femur mouentium musculus. Verum Φ priuatim huius musculi partem notat posteriorem, c autem anteriorem. |
| e | Pubis ossis anterior sedes, hoc latere ex sectionis serie, carne denudata. |
| Ψ | Musculus femur mouentium nonus, anteriorem pubis ossis foraminis sedem occupans. |
| Ω,g,h,i,k | In sinistro genu tendines, septimi tibiam mouentium musculi g insigniti, et octaui h indicati, et noni i notati, a genu reflexi sunt, ac patellam ipsis innatam, ac k insignitam oculis subijciunt. |
| l | In dextro autem crure octauus tibiam mouentium musculus, solus ab insertione ac integer dependet, l notatus, et patellam sibi innatam seruans, cui k inscripsimus. |
| m | Tibiæ ossis anterior sedes, omni prorsus musculo libera. |
| n | Fibulæ etiam anterior sedes, ex dissectionis serie musculis omnibus denudata. |
| o | Ligamentum notatur inter tibiæ os et fibulam inibi repositum, ubi hæc ossa inuicem dehiscunt. |
| * | Qui hic spectantur musculi, illi sunt, quos sexta musculorum tabula expressit literis Φ et Ψ septimus nimirum et octauus pedem mouentium. In superiori pedis sede modo nulli adhuc reliqui sunt musculi, ossaque duntaxat ligamentis obducta, in conspectum ueniunt. |
| p,q,∫,t | Cæterum musculi, qui hactenus in tibiæ posteriori sede fuere obuij, sectionis serie auferri incipiunt : ac p,q notant primum ac secundum pedem mouentium, a quarto eiusdem motus autore musculo, t insignito, ad characterem ∫ propendentes, quo priuatim notatur tendo tertij pedem mouentis musculi. |
| u | Musculi pars hic occurrit, quatuor digitorum tertium articulum flectentis. |
| x | Hic obscure se offert pedem mouentium quintus. |
| α | Pectoris ossis posterior, seu cor spectans sedes. |
| 1,2,3,4,5,6,7 | His characteribus septem uerarum costarum indicantur cartilagines. Reliquæ autem quatuor cartilagines, octauæ, nonæ, decimæ et undecimæ costarum cartilagines sunt. |
| β | Musculus humanum thoracem mouentium sextus. |
193