PRÆSENS tabula omnium posteriorem corporis faciem exprimentium, prima habebitur, hic ordine nona. Si tamen anterioribus seriatim ac uicissim posteriores subsequi uelles, posset hæc omnium esse aut tertia, aut quarta : nullum enim absectum habet musculum, præter eos, quos carnea membrana constituit, tertiaque tabula obuij sunt. Præterea transuersa in cubiti externa sede, iuxta brachiale reposita ligamenta hic dissecuimus, quod prima et secunda tabulis abunde conspicua fuerint, hancque tabulam ad disciplinam prorsus parauerimus.
| A | Temporalis musculus. |
| B | Os iugale. |
| C | Masseter. Auris uero foramen cum ipsi subiectis glandulis, citra characterum subsidium est obuium. |
| D | Musculus caput mouentium, a pectoris osse, et clauicula enatus, in mamillarem capitis processum inseritur. |
| Γ,Δ | Musculus secundo loco inter scapulam mouentes recensendus. |
| E,F,G | Atque huius principium ab occipitij osse pronatum, E ac F insignitur. E uero usque ad G musculi principium ab occipite, ad octauæ usque thoracis uertebræ spinam, a mediarum uertebrarum apicibus quodammodo enatum. |
| H,I | H,I insertio, quam musculus in scapulæ spinam, et summum humerum, latiusculamque clauiculæ sedem molitur.* hac sede præsens musculus, quasi membraneum semicirculum obtinet, seu carnosæ ipsius fibræ, in semicirculi cessant circumferentiam. |
| K | K hac parte cervix collum'ue, thoracis elatissimæ parti committitur. Lineæ autem latera'ue musculum circunscribentia in hunc modum colliguntur. Ab E ad F prima protenditur, ad occiput transuersim ducta. Quod autem huius extremum F notatum, non tantum ab auris radice distare hic uideatur, quantum F remouetur ab E pictura, in causa est oculum fugiens, quod et sinistrum brachium in anteriora porrectum liquido commonstrat, quod forte ὀπτικῆς ignarus, plus æquo breuius esse arbitrabitur. Porro secunda linea præsentis musculi ab E per K ad G metitur. Tertia autem ab F ad H. Quarta ab H ad G. Atque his lineis musculus terminatur. Insertionis autem linea ab I ad K pertinens, nulla prorsus separationis nota existit. |
| L | Musculus brachium attollens, eiusque motorum secundus. |
| M | Musculus gibbam scapulæ sedem occupans, brachiumque mouentium quintus. |
| N | Musculus ad humiliori scapulæ costa pronatus, et brachij motus opificum tertius. |
| O | Musculus brachium agentium quartus, sequenti tabula X insigniendus. |
| P | In præsentis tabulæ dextra latere P, indicat portionem abdominis musculi, quem oblique descendentem uocamus. |
| Q | Nonnihil in dextro brachio occurrit brachium flectentium musculus. |
| R | Posterior cubitum flectentium musculus. |
| S | Musculus cubiti extensionis autorum, cuius principium ab humeri pendet ceruice. |
| T | Musculus cubitum extendentium, cuius principium ab humiliori scapulæ costa pronascitur. |
| V | Vlnæ sedes triangula, nullis obtecta musculis, excarnis'ue, ac præcipue insertionem excipiens neruosæ cubitum extendentium musculorum insertionis. |
| X | Musculus radium in supinum agentium, qui in inferiorem radij appendicem inseritur. |
| Y | Musculus bicorni tendine brachiale extendens. |
| Z,a,b | Musculum Z insignitum, autorem extensionis indicis, medij ac anularis recensebimus, cuius initium a indicatur. Sedes uero, qua carneus esse desinit, b insignitur. Musculus qui nobis extensionis autor parui digiti recensebitur. |
| Θ | Commixtionem tendinum musculi Z insigniti, ac musculi Θ indicati, quæ ad digitorum fit radicem, ita hic delineauimus, quemadmodum crebrius nobis occurrit. |
| Λ,c,d | Musculus brachiale extendentium, cui principium offertur ab humero c insignitum. Insertionem uero d indicatam, in postbrachialis os, paruum sustinens digitum molitur. |
| Ξ | In utroque cubito Ξ insignitur musculus, brachiale flectens, octauoque brachialis ossi insertus, ac in nulla musculorum tabula æque atque hic conspicuus. Quemadmodum et musculi latum manus |
195