| q3 | tendinem producentis initium, hic ad characterem q3 est obuium, una cum exortu musculi brachiale flectentis, qui postbrachiali insertus, Λ in tertia musculorum tabula ornatur. |
| e | Musculi hac oblique prorepentes, illi sunt, quorum alter unum tendinem brachialis ossi, pollicem suffulcienti inserit, alter uero unum tendinem primo pollicis ossi offert, alium secundo et tertio pollicis ossi inserens. |
| f | Musculus tribus pollicis ossibus externa sede insertus, et pollicem uersus indicem euertens. |
| g | Musculus pollicem indici proxime adducens. |
| h | Musculus parui digiti a reliquis abductionis autor. |
| Π | Primus femur mouentium musculus, |
| i,k,l,m,n | i, k, l, m et n circunscriptus. Quandoquidem i usque ad k, sui principij partem notat, quæ ex ossis ilium spina enascitur. k autem ad l, principij partem indicat, ab osse coccyge, infimaque sacri ossis sede pendentem, ubi etiam sinister musculus dextro contiguus est. m indicat elatiorem ipsius insertionis partem, n autem insertionis infimam notat partem, quæ quia inter musculos tibiam mouentes hic penitius se insinuat, reconditque, omni ex parte non est conspicua. |
| o | Secundus femur mouentium musculus, magna ex parte primo obtectus. |
| p | Sextus tibiam mouentium musculus, in latum illum degenerans tendinem, qui femur amplexantibus musculis obuoluitur, attamen non ad eam pertingit crassitiem, ut subditos ipsi musculos obscurare possit. |
| q | Musculi, quem p notaui, carnosæ partis terminus. |
| r | Septimus tibiam mouentium musculus, membraneo tendine sexti tibiam mouentium musculi obtectus. |
| ∫ | Quartus tibiam mouentium musculus, septimi posteriori attensus sedi. |
| t | Tertius tibiam mouentium musculus, in utroque crure (quemadmodum et subsequentes aliquot) notatus. |
| u | Musculus, quem quinti tibiam mouentium loco habemus. |
| x | Apparet et hic quoque portio musculi, femur mouentium quinti. |
| y | Musculus secundus tibiam mouentium. |
| α | Musculus tibiam mouentium primus. |
| β | Octauus tibiam mouentium musculus. |
| γ | Nonus tibiam mouentium musculus. |
| δ | In hoc sinu tibiam accedens arteria, una cum maxima cruris uena, et neruo quoque totius corporis crassissimo uehuntur. |
| ε | Musculus primus pedem moventium. |
| ζ | Secundus pedem mouentium musculus. |
| η | Septimus pedem mouentium musculus. |
| θ | Octauus pedem mouentium musculus. |
| ι | Excarnis fibulæ pars, ipseque adeo exterior malleolus. |
| κ | Aliqua ex parte portiuncula hic occurrit, musculi pedem mouentium noni. |
| λ | Musculus paruum digitum a cæteris abducens. |
| μ | In sinistra sura tendo, tertij partem mouentium musculi notatur. |
| ν | Interior malleolus. |
196