HÆC omnium tabularum decima, posteriorem uero faciem exprimentium secunda, sectionis serie quartam tabulam subsequi posset. In hac itaque iam præcedentis tabulæ musculi aliquot adempti dependent, multique in illa non obuij, hic sese commonstrant. Atque inter reliquos prorsus ablatus est, quem nona tabula Γ et Δ insigniuimus, quod uidelicet nusquam apte formam ipsius, dependens ostendere potuisset.
| A | Dexter primi paris caput mouentium musculus. |
| B,B | Secundi paris caput mouentium dexter. |
| C | Scapulam mouentium tertius musculus. |
| D | Clauicula. |
| E | Musculus humani thoracis motorum tertius, sequenti tabula F notandus. |
| Γ | Musculus scapulam mouentium quartus, cuius quatuor latera circunscribuntur GH, IK, GI, HK. |
| L | Musculus brachium mouentium quintus. |
| M | Scapulæ spina, ac summus humerus. |
| Δ | Musculus brachium mouentium secundus, quem in posteriori corporis sede prompte circunscripseris, si P musculi insertionem esse cognoueris. |
| P,N,O | P namque, ac N et O, trianguli modo, dictam musculi partem terminant, anteriori interim parte Ξ, in quarta tabula muscularum insignita. |
| Q | Brachium mouentium sextus musculus. |
| R | Musculus brachium mouentium tertius. |
| & | Hac sede aliquot dorsum mouentes musculi exporriguntur, una cum humanum thoracem mouentium quarto. |
| Θ | Hunc musculum, secunda tabula Γ insignitum proponebat : est autem is, cuius beneficio brachium deorsum, uersus dorsum uellitur, idque mouentium quartus. S et T, musculi huius principij indicant longitudinem, V partem ipsius insertioni proximam, quæ hic ostendi nequit, uerum in septima tabula O insignita, utcunque fuit obuia. |
| X | X autem musculi latus ea sede indicat, ubi ab ilium osse non amplius enascitur. Circunscribes uero præsentis musculi latera ab S ad T, dein a T per X ad V, insuper ab S ad V. |
| Y | Cæterum Y notabit inferiorem scapulæ basis angulum hic extuberantem, et tertio musculi latere intectum. |
| Z | Oblique descendentis abdominis musculi portio. |
| a | Musculus ab humiliori scapulæ costa principium ducens, et cubiti extensionis opifex. |
| b | Musculus a ceruice capitis humeri iuxta scapulam originem ducens, ac cubiti extensionis autor. |
| c | Portio anterioris cubitum flectentium musculi. |
| d | Portio posterioris cubitum flectentium musculi. |
| e | Musculus radium in supinum agentium longissimus. |
| f | Musculus bicorni tendine brachiale extendens. |
| g | Hac sede ligamentum conspicitur membraneum, superiorem radij partem humero colligans. |
| h,h | Hac sede ulna, carne omni, musculis'ue libera cernitur. |
| i | Musculus brachiale flectentium, qui octauo brachialis ossi inseritur. |
| Λ,Ξ,Π | Tres isti characteres, tria notant musculorum principia ab ulna pronata. Primum Λ insignitum, illud est, quod radio ante medium illius longitudinis insertum, musculus habetur, radium in supinum agentium breuior. |
| Ξ,k,l,m,n | Secundum Ξ indicatum, illud est, quod in duas portiones, k et l notatas dirimitur. k enim eam significat portionem, quæ tendinem brachialis ossi, pollicem proxime sustinenti offert. l uero inferiorem insinuat portionem, quæ dein bipartita, unam, quæ m inscribitur, primo pollicis ossi inserit : alteram n indicatam, in secundum et tertium pollicis internodium implantat. |
| Π,o,p | Porro tertium principium, Π insignitum, illud demum est, quod in duas quoque partes, o et p indicatas discinditur, quarum superior, o notata, tribus pollicis ossibus inseritur. Inferior uero p indicata, indicem, ac medium a pollice abducere creditur. |
| q | Propendet ab insertione musculus, brachiale unico tendine extendens. |
| r | Dein præcipuus extensionis parui digiti autor, r insignitus, quemadmodum et musculus indicem medium, ac anularem |
198