| ∫ | potissimum extendens, ac ∫ indicatus. |
| t | Musculus pollicem indici proxime adducens. |
| Σ,u,x | Secundus femur mouentium musculus, cuius exortum, semicirculi formæ quodammodo respondentem, u et x notant, quanquam u in anteriora magis adhuc deberet exporrigi, si præsens tabula in latus magis uerteretur. |
| y | Cæterum y huius musculi indicat insertionem, ut etiam u et x et y uniuersum musculum circunscribunt. |
| α | Magnus exteriorque femoris processus. |
| β | Quartus femur mouentium musculus. |
| γ | Ligamentum a transuerso quinti ossis sacri ossis processu, in acutum coxendicis ossis processum pertinens. |
| δ | Ligamentum a dicta nuper sacri ossis sede, in posteriorem elatioremque appendicis ossis coxendicis sedem insertum. |
| ε | Musculus femur mouentium decimus, qui hac a posteriori pubis ossis sede reflexus, alium ueluti musculum supra infraque ipsi attensum commonstrat. |
| ζ | Quoniam hæc sedes sequenti tabula perinde, atque hic erit conspicua, neruum cæteris omnibus corporis neruis summe animaduertendum, ab hac tabula non resecuimus : est autem is, quem quartum femur petentium numerabimus, eum secunda tertiaque figuris, Capiti undecimo Libri quarti præponendis, charactere 71 indicaturi. Præsens etenim neruus, cuius ductum seriemque tantopere expendendam putauerim, is profecto est, secundum quem ex caluariæ amplitudine, in dorsi uertebrarum foramen, quod dorsali medullæ transmittendæ paratur, humor in pedes confluit, quem nonnulli haud infrequenter instar tepentis, alij instar frigidæ aquæ demanare, ac in crus profluere sentiunt. Arbitror autem huius nerui distributionem eo animaduertendam accuratius, quo sæpius hac mea ætate affectus innumeri, sese mihi ex humorum ad neruum hunc defluxu obtulerint. |
| η | Quinetiam eundem in poplite η notatum cernis, quanquam η priuatim huius nerui grandiorem indicet portionem, quæ etsi in alias quamplurimas soboles disseminetur, præcipua tamen ipsius parte pedis, inferiora inter calcem, et interiorem malleolum petit. |
| θ | θ uero præsentis nerui in poplite bipartiti, minorem insinuat ramum, maxima sui parte in musculos digestum, tibiæ latus, et anteriorem eiusdem sedem occupantes, qui me Hercule non minus quoque accurate, quam quiuis corporis neruus est obseruandus, si non ob aliud, saltem propter urentia medicamina, quæ subinde hic ægris adhibentur. Præter hoc enim, quod appositionis sedem adamussim Medici hinc cognoscent, etiam expendere erit iucundissimum, qui ulcus eorum medicamentorum ui inustum, humorem secundum hunc neruum decurrentem expurget. Nam quod inuritur ulcus, huic nerui ramo, θ indicato uicinum est, et quum paulo inferius sit, quam superior fibulæ consistat appendix, neruus contingi nequit. Atque eiusmodi sane pleraque crebro sermoni adijcerem, nisi ridiculum arbitrarer, reliquas medicinæ partes huic Anatomicæ misceri, aut ego etiam eiusmodi aliqua non essem priuatim suo tempore, uti iam coepi, exaraturus. Quod autem hic quædam interiecerim, nerui illius occasione factum est, idque potissimum, quum locus uacuus ante undecimam tabulam seruandus esset. |
| κ,κ | In utroque femore κ occurrit, musculum notans femur mouentium primum, qui in sinistro crure integer a sua sede reflexus est, insertione duntaxat corpori commissus, quæ |
| λ | in dextro crure, solum inibi reliqua est, ubi ualidissima spectatur, ubi autem leniter, membranæque tantum ritu inserebatur, λ asscriptum cernis. |
| μ | Septimus tibiam mouentium musculus, non amplius membraneo sexti musculi tendine obtectus. |
| Φ,ν,ξ | Tertius tibiam mouentium musculus, cuius caput ν insignitur, sedes uero tendinem primum educens ξ. Insertionem autem tertia musculorum tabula proponebat, charactere 3 insignitam. |
| Ψ | Quartus tibiam mouentium musculus. |
| ϖ,ϖ | Quintus tibiam mouentium. |
| ρ | Quinti femur mouentis musculi portio. |
| ς | Secundus tibiam mouentium. |
| τ | Portio octaui tibiam mouentis musculi, resecto iam interim primo tibiam mouenti, qui alias hic in orbe occurreret. Quod uero ad musculos in tibia pedeque repositos attinet, omnia præcedenti conueniunt tabulæ, ut et duodecimæ, quam inibi characteribus primum occupabimus. |
199