A,A | SINISTER primi caput mouentium paris musculus. |
B,B | Secundum par musculorum caput mouentium, in sinistro tantum latere characteribus insignitum. |
* | Musculus hic obscure occurrit, cuius beneficio inferiorem maxillam deorsum agimus. |
C | Musculus scapulam mouentium tertius. |
D | Clauicula. |
E | Pendet hic musculus, a scapula ossi υ referenti insertus. |
F | Humanum thoracem mouentium tertius. |
G | Brachium mouentium quintus. |
Γ | Musculus scapulæ gibbum sub illius spina occupans, ac brachium mouentium sextus, cuius initium ab H ad I metitur, insertionis uero sedes K indicatur, atque ita totus trianguli modo H,I,K circunscribitur. |
L | Musculus ab humiliori scapulæ costa initium ducens, brachiumque mouentium tertius. |
M | Hic musculus brachium mouentium secundus, ab exortu liberatus, antrorsum tota parte reflectitur, quam proxime præcedens tabula, O, N et P circunscribebant.Atque ita interna musculi sedes, qua humeri articulo incumbit, in conspectum uenit, et trianguli uertex etiam quodammodo proponitur, ad cuius similitudinem huius musculi initium describebant. N enim ea musculi pars est, quæ basi scapulæ fuit proxima. O autem illa, cuius initium a summi humeri cum clauicula articulo pendet. Dein si D eam musculi partem esse finxeris, cui clauicula initium largitur, prompte assequeris musculi suo exortu liberi principium insigniter obtusum angulum referre, uti figura modo inserta comprobat, qua interna musculi sedes exprimitur, articulo maxime contermina. Atque hic A,B,C musculi indicant principium, ab A quidem et B principij portionem a summo humero, et scapulæ spina pronatam, a B uero ad C reliquam principij partem, quæ clauiculæ debetur. Postremo D musculi insertionis sedes insignitur. Quod autem ad trianguli obtusum attinet uerticem, nulli non obuium est B humilius poni, quam A et C, quibus characteribus triangulum terminari prompte animaduertis. |
P | Dictus nuper musculus ab omnibus, unde principium ducit, sedibus liberatus, ac ab insertione duntaxat in dextro brachio pendens, pulchre ostendit hanc transuersim in humerum fieri. |
Q | Humanum thoracem mouentium quartus. |
R | Musculus dorsum mouentium undecimus. |
S | Dorsum mouentium decimus quintus, seu octaui dorsum mouentium paris alter. |
T,T,V | Characteribus T,T duas costas earum, quæ iam sectionis serie deteguntur, insigniuimus, V uero earundem costarum interuallum, ut intercostalium hic musculorum exterior obseruaretur. |
X | Musculus thoracem mouentium secundus. |
Δ | Humanum thoracem mouentium quintus. |
a,b | Obscurum impenseque membraneum musculi oblique ascendentis abdominis initium, a spinarum apicibus inter a ac b pronatum. |
c | Musculus ab insertione hic dependet, brachium mouentium quartus. |
Θ,d,e | Musculus cubitum extendens, cuius initium d insignitum, a ceruice capitis humeri educitur, quod scapulæ articulatur. e autem sedem indicat, qua præsens musculus ab altero cubitum extendentium, mox f indicando, non amplius distingui nequit. |
f | Cubitum extendentium musculus, ab humiliori scapulæ costa pronatus, ac cum musculo Θ insignito coiens. |
g | Musculus cubitum flectentium posterior. |
h,h | Longior musculus radium in supinum ducentium. |
Λ,i,k,l | Musculus bicorni tendine brachiale extendens, cuius initium i insignitur. sedes uero, qua tendinem educit, k. tendinum autem ipsius insertio, l. |
m | Musculus radium in supinum ducentium breuior. |
n | Radius. |