| o | Vlna. Atque in horum ossium medio ligamentum occurrit, tota sede illa ossa intercedens committensque, qua inuicem dehiscunt. |
| Ξ | Secundum principium trium principiorum, quæ ab ulna originem seriatim sumunt. |
| p,q | Ac p quidem eius principij pars est, quæ tendinem brachiali offert. q autem tendo, primo pollicis ossi insertus. |
| r | r uero is tendo, qui secundo et tertio pollicis inseritur ossibus. |
| ∫ | Musculus pollicem indici proxime admouens. |
| Π | Tertium principium eorum, quæ ab ulna pronascuntur, hic quoque ab insertione pendens. |
| t,u | Ac t quidem notat eius portionem, quæ indici ac medio tribuitur, u uero eam, quæ pollici est peculiaris. |
| Σ,x,y,z | Tertius femur mouentium musculus, cuius initium z ,y, x circunscribitur. Quod uero ad horum characterum latera, superiusque spectatur, ilium ossis dorsum est, primo secundoque femur mouentibus musculis liberum. |
| α | Cæterum α tertij illius musculi insertionem proponit. |
| Φ | Quartus femur mouentium musculus, a tribus humilioribus sacri ossis ossibus initium ducens, |
| β | et illic primum tendinem educens, ubi β conspicitur. |
| γ | Magnus femoris processus. |
| δ | Secundus femur mouens musculus. |
| ε | Septimus tibiam mouentium musculus. |
| ζ | Quid uero ζ indicetur, ad characterem Ω paulo post commemoraturus sum. |
| η | Ligamentum ab osse sacro, in coxendicis ossis acutum pertinens processum. |
| θ | Musculus decimus femur mouentium, hac ab interiori pubis ossis sede reflexus, |
| ι,κ | ac ueluti inter duos musculos ι et κ insignitos prorepens. |
| λ | Caput tertij tibiam mouentium musculi, quod primum eorum censetur, quæ a coxendicis ossis appendice pronatorum secundum numeramus. |
| μ | Caput quarti tibiam mouentium, quod quatuor ut minimum capitum a coxendicis ossis appendice pronatorum secundum numeramus. |
| Ψ | Musculus, quem quinti tibiam mouentium loco habemus, |
| ν,ξ | cuius initium ν insignitur, quod tertium eorum capitum habetur, hinc a coxendicis osse eductorum. ξ uero præsentis musculi ostendit sinum, cui tertius tibiam mouentium alioquin insidet. |
| ο | ο hic quintus musculus, in tendinem desinit, anteriori tibiæ ossis sedi implantandum. |
| Ω | Subsequenti tabula musculum explicabo, quem femur mouentium quintum recensemus, characteribus Ξ, Σ, & Π inibi indicandum. |
| &,& | In præsenti autem idem musculus, characteribus & et &, tum ζ ac Ω insignitur, singulisque peculiaris musculi pars indicatur. Vtrumque enim &, posteriorem notat musculi partem, ζ uero et Ω anteriorem. Cæterum ζ priuatim indicat eius anterioris partis anteriorem portionem. Ω autem posteriorem significat portionem anterioris partis. |
| ϖ,ρ | Quartus tibiam mouentium musculus hic ab ipsius parte, quam femoris os educit, ac ρ insignitur, pendet. |
| ς | Musculus tibiam mouentium tertius, ab insertione pendens. |
| τ | Musculi tibiam mouentium octaui portio. Tibiæ autem nullum adhibui characterem, quod sequenti tabula ijdem, qui hic modo proponantur musculi, illic characteribus ex sectionis serie occupandi. |
202