Γ | SINISTER primi caput mouentium musculorum paris musculus, |
A,B,C | cuius principium A notat, B uero et C insertionem, quam in occipitis os molitur. |
D,E | D autem sedem indicat, qua dexter musculus a sinistro primum abscedit. Postremo E insinuat internum insertionis dextri musculi latus. Quare si illum musculum in trianguli formam agere uisum fuerit, illum circunscribes lineis, AB, AC, BC. Quinetiam si interuallum inter dextrum musculum et sinistrum consistens, quoque trianguli modo spectare uolueris, circunscribes id, a B ad E, dein a B ad D, et ab E ad D. |
F,F | Sinistri lateris musculus secundi paris caput mouentium. |
G | Scapulam mouentium tertius. |
H,H | Brachium mouentium quintus. |
I | Summus humerus a connatis ipsi musculis liber. Cæterum neque costas, neque earundem interualla characteribus insigniuimus, quod hic eadem, ut in præcedenti tabula, ad T,T,V sit ratio. |
Δ, K,L | Humani thoracis motorum quartus, cuius initium K insignitur, L uero sedes, qua primum a longissimo dorsum mouentium musculorum N mox notando, non amplius pertinaciter (quemadmodum inferius a K ad L usque ) adnascitur. |
M,M | Tendines autem præsentis musculi aliquot, M, M indicantur. |
N | Dorsum mouentium undecimus. |
O | Dorsum mouentium decimus quintus. |
P,Q | Scapulæ gibbum musculo liberatum cernitur, qui brachium mouentium sextus habetur, hicque ab insertione propendens Q insignitur. |
R | Musculus brachium mouentium tertius. |
S | Secundus thoracem mouentium. |
T | Musculus cubitum extendentium, qui ab humiliori scapulæ costa initium ducit. |
V | In sinistro brachio musculus, cubitum extendentium exterior ab ea sede propendet, qua cum interiori T notato impense commiscetur. In dextro autem brachio propendens ea pars resecta cernitur. |
X | Hac sede ab humero carnea exoritur portio, quam tertij musculorum cubitum extendentium loco habemus, sequentique tabula d notabimus. |
Y | Musculus cubitum flectentium posterior. |
Θ,a,b | Musculus radium in supinum ducens, qui ab humero multo superius, quam externum illius consistit tuberculum, inibi exoritur, ubi a asscripsimus, ipsius insertionem b indicantes. |
Δ,c,d | Musculus alter, cuius ope radius in supinum agitur, atque huius initium c indicatur, insertio autem d insignitur. |
e | Neruea portio, seu insertionis terminus musculi superioris radium in pronum agentium. |
f | Radius. |
g | Vlna. |
h | Ligamentum radium ulnamque, qua inuicem dehiscunt committens. |
i,k | Hanc sedem sinuum uehendis musculis paratorum, et cartilaginis ulnam a brachiali dirimentis nomine, pluribus ornassem characteribus, nisi illa superiori Libro pulchre fuissent obuia. |
l | Hac sede musculis tendinibusque libera, aliter ligamenta, quibus ossa compinguntur, proponi nequeunt. |
m | Postbrachialis os anularem suffulciens digitum, quod ideo priuatim notauimus, ut ossa postbrachialis, ab ipsorum interuallis, musculisque illa occupantibus interstingueres. |
n | Hic musculus reponitur, pollicem indici proxime adducens. |
o | Musculus bicorni tendine brachiale extendens, ab insertione propendet. |
p | Hic bona transuersi abdominis musculi pars occurrit. |
q | Ilium ossis dorsum nunc prorsus excarne spectatur. |
r | Femoris caput, coxendicis ossis acetabulum subiens ipsum'ue ligamentum, præsentem ambiens articulum. |
∫ | Ligamentum a sacro osse in acutum coxendicis ossis processum desinens. |
t,u | Dependet hic tertius femur mouentium musculus, t notatus, una cum quarto, qui u insignitur. |
x | Magnus exterior'ue femoris processus. |
α | Decimus femur mouentium musculus, cuius præcipuam partem F notandam, ex decimasexta tabula opportune petes, ad characteres F,G,H. Præsens autem tabula eam musculi partem commonstrat, quæ ad peculiarem ipsi in coxendicis osse cælatum sinum reflexa, ad magnum femoris ducitur processum. |
[β] | Musculus gracilis, ab acuto coxendicis ossis enatus processu, elatiorique musculi α insigniti sedi exporrectus. |
γ | Musculus similiter gracilis, inferiori exporrectus parti eius musculi, quem α notauimus. |