| Ξ,δ,ε | Musculus femur mouentium quintus.Verum Ξ priuatim notat posteriorem huius musculi partem, cuius caput partim nerueum, ac δ insignitum, et partim carneum, ε notatum, a coxendicis ossis appendice enascitur, hincque prodeuntium capitum, numero quartum censetur. |
| ζ | Hac sede posterior hæc quinti femur mouentis musculi pars, admodum carnea est, ueri muris, ut ita dicam, effigiem præ se ferens. |
| η | Hic posterior quinti musculi pars, in tendinem degenerat, interiori capitum femoris insertum. |
| Σ,Π,Π | Π et Σ anteriorem quinti femur mouentium musculi indicant partem, ac Π quidem eius partis posteriorem portionem, Σ uero anteriorem. Quo autem hæc non admodum sane obuia promptius percipias, eosdem illos Græcorum maiusculos characteres in sequenti tabula repositurus sum, illic dependentes musculi partes notans. |
| [θ] | Musculus tibiam mouentium septimus. |
| κ,κ | Musculus tibiam mouentium octauus. |
| λ | Ampla depressaque femoris ossis sedes, supra radicem inferiorum ipsius capitum, posteriori in sede consistens. |
| μ,ν | Quartus tibiam mouentium musculus, hic ab insertione pendens, ac μ quidem partem illius indicat, a coxendicis osse enatam, ν uero partem, cui femur principium præbet. |
| ξ | Tibiam mouentium quintus musculus. |
| Φ | Primus pedem mouentium musculus. |
| Ψ | Secundus pedem mouentium musculus. |
| ϖ,ρ,τ | Cæterum huius musculi (ut et primi) principium partim carneum, ac ϖ insignitum uisitur, partim nerueum, ac ρ indicatum. τ autem sedes significatur, ubi primum duo isti primi pedem mouentium musculi contigui fiunt. |
| ς. | Hactenus musculi illi in sura extuberant, hicque carnei esse desinunt, uerum hæc tubera nona tabula etiam accurate exprimuntur. |
| υ | Tendinis, qui e duobus præsentibus musculis educitur, principium. |
| ω | Initium musculi pedem mouentium tertij, cuius tendinem proponit character &, in sinistra positus tibia. |
| A,B,C,D,E,F,G | Dextra portio secundi caput mouentium paris, in quo singuli characteres aliquid priuatim insinuant. A enim indicatur musculus secundi paris, acuto principio ex transuersis quintæ et quartæ thoracis uertebrarum processibus enatus. B musculi huius sedes, qua carneus esse desinit, ac uelut in tendinem degenerat. Porro B quoque musculum significare debet, qui a septimæ ceruicis uertebræ spina enascitur, et cum musculo A insignito commiscetur, congressus autem sedi, C inscriptum est, quod non modo congressum utriusque musculi notabit uerum etiam ubi uterque exacte carneus efficitur. D utriusque musculi insertionem notat. E secundi paris tertius in altero latere musculus indicatur, cuius etiam principium in alto latitat, insertione interim ipsius ad F conspicua. Postremo G ac G, secundi paris carnea moles insignitur. |
| H | Musculus dorsum mouentium quintus. |
| I | Portio musculi dorsum mouentium sexti. |
| K | Decimusquintus dorsum mouentium, seu eorum musculorum octaui paris alter. |
| Γ | Vndecimus dorsum agentium musculus, cuius principium a sacro osse pendens. |
| L,M | L insignitur, ipsius uero ansulæ tendines'ue M, M. Atque ita elatissimum M, præsentis musculi superiorem significat terminum. |
| ♉ | Character ♉ loco N positus, musculum dorsum mouentium nonum indicat, seu quinti paris alterum. |
| O,O | Musculus hic ab exortu propendet, thoracem hominis mouentium quartus, simiarum uero canumque septimus. |
205