| propendentes, in illa autem figura, quam Ω proponit, sua sede reposui. |
| υ | Tendo tertij pedem mouentium musculi. |
| φ | Portio quarti pedem mouentium musculi, quem in integro homine Ψ insignitum cernis. |
| χ | Tendo ex primo, secundo et quarto, pedem mouentium musculis conflatus, calcique insertus, quamquam χ hic priuatim cauitatem proponat, inter anteriorem præsentis tendinis partem, et posteriorem sedem aliorum musculorum conspicuam, qui hanc tibiæ sedem occupant. |
| ψ,ω | Excarnis nullisque musculis, uel ante sectionem obtecta tibiæ ossis pars. |
| * | Hic portiones occurrunt musculorum, qui posteriorem tibiæ sedem sibi uendicant, præter tres primos pedem mouentium musculos. |
HÆC tabularum posteriorem corporis faciem exprimentium ultima est, scapulis et brachijs carens, et genua flectens, ut plantam altero crure spectandam proponeret. Ad genua uero ne alia quæpiam integra delineanda esset tabula, caput una cum duabus primis ceruicis uertebris reponitur, quartum musculorum caput mouentium par ostensurum.
| A,B | Tertium musculorum caput mouentium coniugium, a secundæ ceruicis uertebræ spina occipiti insertum. |
| C | Mamillaris temporum ossis processus, tam in integra figura, quam illa quæ ad genua spectatur, conspicuus. |
| D | Hic character cum aliquot subsequentibus, figuræ ad genua locatæ proprius est, transuersum primæ uertebræ ceruicis indicans processum. |
| E | Spina secundæ ceruicis uertebræ, atque ita etiam E secundam ceruicis denotat uertebram. |
| F,G | Quartum caput mouentium musculorum par, a prima ceruicis uertebra, occipiti insertum. |
| H,I | In ceruice integrioris figura insinuatur, quintum par musculorum caput mouentium, quod ab occipitio in transuersos primæ ceruicis uertebræ processus implantatur. |
| K,L | Sextum musculorum caput mouentium par, a spina secundæ uertebræ, transuersis primæ processibus insertum. |
| M | Musculi scapulam mouentium tertij pars, illic conspicua, ubi a transuersis aliquot ceruicis uertebrarum processibus prodit. |
| N | Dorsum mouentium musculorum tertius. |
| O | Dorsum mouentium septimus musculus. |
| P | Character P in lumbis reponitur, notans nonum dorsum mouentium musculum. |
| Q,R,S | Vndecimus dorsum mouentium musculus, hic ab ultima ipsius insertione pendens, ac sinum R insignitum ostendens, quo decimotertio dorsum mouentium musculo cedit, ipsius autem principium S indicatur. |
| T,V,X | Decimus tertius dorsum mouentium musculus, cuius principium V notatur, finis uero X, quod etiam principum decimiquinti dorsum mouentium musculi indicat. |
| Y,a | Decimus quintus dorsum mouentium, cuius superius extremum a insignitum, sub septimo dorsum agentium reconditur.Hanc decimamquartam musculorum tabulam, propter thoracis formam, costarumque ductum sedulo intueri operæ precium erit, quum costarum ductum, ut et reliquæ musculorum tabulæ, appositissime ostendat. In ossium autem compage hactenus nunquam costas adeo concinne inuicem ad nexui, ut illæ naturalem situm, quod ad obliquum ipsarum ductum spectat, nanciscerentur. Nimis enim ingens interuallum, inter elatissimam ossis ilium sedem, et duodecimæ thoracis costæ mucronem, in ossium compactione mihi semper relinquitur. In musculorum autem tabulis, costarum ductum inter pingendum obseruare fuit promptissimum, quum in suo naturali situ tota sectionis serie semper consistant : quinetiam exteriores intercostalium musculos hic quoque se spectandos offerre, etiam me tacente, neminem latere arbitror. Atque ita etiam ilium ossa, et coxendicis et pubis et femoris ossa adeo sunt conspicua, ut si hic notas desideres, illæ a tribus integris Primi libri figuris petendæ ueniant. |
| b | Quanquam in pubis osse b occurrit, membranam indicans in pubis ossis foramine obuiam. |
209