[Illustrations]
DVÆ præsentis tabulæ figuræ in ea effigie seruantur, in qua dextra tibia simul cum pede decimæquartæ tabulæ,sese exhibuerunt. Atque prior figura in sectionis serie figuram subsequitur, quam præcedens tabula Δ notatam ostenderat. Posterior autem huius tabulæ figura, succedit priori. Notæ autem harum figurarum ita se habent.
| A1 | Tibiæ os. |
| B1 | Fibula. |
| C1 | Musculus dependet, qui in poplite latitat. |
| D,E1 | Musculus quintus pedem mouentium, ac D quidem ipsius notat principium, E uero tendinem, ab interno musculi latere pronatum. |
| F1 | Sinus cui tendo insidet, secundi pollicis internodij flexionis opifex. |
| G1 | Sinus quo tendo uehitur musculi, tertium quatuor digitorum os flectentis. |
| H1 | Musculus pedem mouentium septimus. |
| I1 | Musculus pedem mouentium octauus. |
| K1 | Insertio sexti pedem mouentis musculi. |
| L1 | Musculosa congeries, primum quatuor digitorum os flectens. |
| M1 | Ossicula ad primum pollicis internodium reposita, quæ a sesami seminis imagine nomen inuenerunt, quæque ab Arabibus dimidiati ciceris formæ assimilantur. |
| N1 | Pendet hic musculosa substantia, quæ singulis quatuor digitorum internis lateribus portionem exporrigit, digitos pollici adducentem. |
| O1 | Musculus pollicis secundum os flectens. |
| P1 | Musculus tertium quatuor digitorum os flectens. |
| Q1 | Portio tendinis, secundum pollicis internodium flectentis, illi tendini commixta, qui indicis tertium internodium flectit. Sequentes modo characteres, sinistræ figuræ hac ratione peculiares sunt. |
| R2 | Tibiæ os. |
| S2 | Fibula. |
211