| T2 | Ligamentum membraneum, fibulam tibiæ ossi illic committens, ubi hæc ossa inuicem dehiscunt. |
| V2 | Musculus pedem mouentium septimus. |
| X,Y | X hac septimi musculi tendo, sub osse cubum tesseram'ue imitante reflectitur, et latescit quoque. Y tendinis huius in os pedij pollicem sustinens insertio. |
| a2,b | Musculus sub septimo occultatus, et pedem mouentium octauus, cuius insertionem b notat, quæ in pedij os paruum suffulciens digitum perficitur. |
| 1,2,3 | Tribus his characteribus in posteriori sinistra'ue figura, tres sinus indicantur, musculis a posteriori tibiæ sede inferiora pedis subeuntibus exsculpti. Atque 1 sinum notat, quo quinti pedem mouentis musculi tendo uehitur. 2 sinum tendini tertium, quatuor digitorum os flectenti insinuatum. 3 uero, sinum indicat nomine tendinis coelatum, cuius beneficio secundus pollicis articulus flectitur. |
| c2d | Musculus dependet humi quintus pedem mouentium, in priori figura D et E notatus, ac in secunda figura ad insertionem d insignitus. |
| e2 | Musculosa moles, primum quatuor digitorum os flectens, hic pendet a pedij ossibus, quæ iam nuda excarneaque spectantur. |
[Illustrations]
PRÆSENTEM tabulam licuisset statim tertiæ musculorum tabulæ subijcere, sed quoniam corporis duntaxat pars existit, huc eam reponere magis uisum est, qua sinistri femoris, tibiæ, pedisque interna facies nullo liberata musculo exprimitur, una cum osse sacro, et osse sinistro ipsius lateri commisso, ut decimus femur mouentium musculus alicubi in conspectum ueniret, qui in integris tabulis ea parte conspici nequiuit, quæ internam pubis ossis et coxendicis quoque sedem occupat. Huius autem tabulæ characteres, ut sequens pagina proponit, se habent.
212