| A | Os sacrum. |
| B | Ossis sacri latus, cui sinistrum ilium os committebatur. |
| C | Ligamentum a sacro osse, in coxendicis ossis appendicem pertinens. |
| D | Sinistri pubis ossis pars, quæ dextro pubis ossi committebatur. |
| E | Notatur quartus femur subiens neruus. |
| E,F,G | Decimus femur mouentium musculus, cuius tres ueluti partes, E,F,G insignitæ, inscriptionibus quodammodo distinguuntur, quibus ab interna pubis ossis sede, et interna quoque coxendicis ossis regione, musculus iste carneus pronascitur. |
| H | Ad sedem uero H indicatam, musculus arctior redditur, et ad sinum sibi in coxendicis osse insculptum reflexus, ad magnum femoris perfertur processum. |
| I | Conspicua est portio, sexti femur mouentis musculi. |
| K | Portio septimi femur mouentis musculi. |
| L,M | Primus tibiam mouentium musculus, cuius sedes, qua iuxta internum femoris caput, in tendinem cessat, M indicatur. |
| Δ | Secundus tibiam mouentium musculus. |
| N,O | N et O musculi huius principium ab ossis pubis commissura pronatum. M quoque etsi in primo ponatur musculo, huius secundi musculi etiam sedem notat, qua in tendinem desinit. |
| P | Nonus musculus tibiam mouentium, parua ipsius portione hic conspicuus. |
| Q | Octauus tibiam mouentium musculus. |
| R | Tertius tibiam mouentium musculus, cuius tendo, quemadmodum et primi et secundi, tibiam mouentium musculorum quoque M indicari potest, et promptissimum etiam est intueri, ubinam musculorum tendines, in anteriorem tibiæ ossis sedem inserantur. |
| S,T | Quintus femur mouentium musculus, uerum S posteriorem eius musculi partem notat. T autem quinti femoris musculi anterioris partis posteriorem indicat portionem. |
| V,V | Quintus tibiam mouentium musculus. |
| X,Y | Excarnis tibiæ ossis pars, uerum Y interiorem notat malleolum. |
| a | Primus pedem mouentium musculus. |
| b | Secundus pedem mouentium musculus. |
| c | Tendo tenuissimus, idemque summe gracilis, qui a tertio inter pedis motorum musculo educitur. |
| d | Musculus suram constituentium maximus, pedemque mouentium quartus. |
| e | Musculus quatuor pedis digitorum tertium os flectens. |
| f | Portio musculi inter pedem mouentium quinti. |
| g | Tendo sexti pedem mouentium musculi. |
| h | Tendines digitos extendentes. |
| i | Musculus pollicem a cæteris digitis introrsum abducens. Absolutis itaque sedecim musculorum tabularum (quas in præsentis Libri initio collocandas duxi) indicibus, proximum modo erit Capitum contextum aggredi, ac a ligamentorum natura initium sermoni statuere. |
213