[Illustrations]
| G | Sinus inferioris appendicis tibiæ ossis, quo complures uehuntur tendines eorum musculorum, qui anteriorem tibiæ sedem occupant. |
| H | Interior malleolus. |
| I,K | Fibula, uerum K exterior malleolus priuatim insignitur. |
| L,M | Musculus notatur in sura maximus, pedemque mouentium quartus, atque inter reliquos corporis musculos intensissime liuens. Verum M huius musculi tendinem, calcis ossi insertum, particulatim indicat. N autem portiunculam tendinis primi et secundi pedem mouentium musculorum ostendit, quæ quarto pedem mouenti musculo connascitur, ac simul cum illo unita, calci inseritur. |
| O | Teres ligamentum, femoris os coxendicis ossi iungens. |
| P,P | Ligamentum orbiculatim femoris cum coxendicis osse articulum amplectens. |
| Q | Ligamentorum portiones, ex magno externoque femoris processu in musculorum substantiam absumptæ, ac potissimum in tibiam mouentium septimi. |
| R | Portiunculæ ligamentorum quoque, a radice interioris minorisque processus femoris pronatæ, et in octauum tibiam mouentem musculum præcipue degenerantes. |
| S,S | Membraneum ligamentum, reliquis etiam omnibus articulis commune, quod uniuersum genu articulum ambit, ea tantum parte excepta, cui mola præponitur. |
| T | Ligamentum genu articulo proprium, quod externo ipsius lateri attenditur. |
| V | Ligamentum hoc, etiam genu articulo peculiare censetur, atque externo ipsius lateri attensum uisitur. |
| X | Ligamentum ex tibiæ ossis processu F notato, in femoris os insertum. |
| Y | Ligamentum superiorem fibulæ partem, tibiæ ossi connectens. |
| Z | Ligamentum inferiorem fibulæ partem, tibiæ alligans. |
| a | Membraneum ligamentum, fibulam tibiæ ossi toto ductu, quo inuicem hæc ossa dehiscunt, committens. |
| b,c | Hic ligamentum notatur, tendines anuli ritu amplectens, qui a tibiæ anteriori sede, in pedis superiora porriguntur. Vt uero ipsius natura exactius oculis subijceretur, id sectione secundum longitudinem ducta, diuisum, atque una parte in latus reflexum finximus. |
| d | Ligamentum a tibiæ osse ad calcem insertum, et tendines hac ad pedis inferiora descendentes continens. |
| e | Ligamentum a fibula ad calcem porrectum, et tendinibus hac pedis inferiora petentibus obductum. |
| f | Ligamentum cartilagineum, ab interno malleolo, in tali internum latus insertum. |
| g | Ligamentum quoque cartilagineum, fibulam talo colligans. Huc sane et tabulam retulissem præsentis Libri trigesimo Capiti proponendam, quæ primæ ceruicis uertebræ ad secundam, et primæ secundæque ad caput connexum exprimit, nisi quam modo proposui, utcunque omnem ligamenti differentiam et usum commonstraret. |
214