[Illustrations]
PRÆSENTI figura mensæ cuidam incumbentem finximus asserem, quo in uiuorum sectionibus opportune utimur, dein huic asseri omnia propemodum accommodauimus, quibus in dissectionum administrationibus, adeoque tota Anatome quis posset uti. Quo autem singula leuiori opera assequaris, huic etiam figuræ characteres, ac demum eorum indicem adhibere non grauatus sum. Indicetur itaque
A,A | Mensa, cui reliqua omnia modo seriatim indicanda supersternuntur. |
B,B | Asser uiuis sectionibus administrandis idoneus. |
C,C | Varia foramina, quibus laqueos pro animalis mole adhibemus, quum femora et brachia uincimus. |
D,D | Eiusmodi anuli, summis manibus pedibusque ligandis adaptantur. |
E | Huic anulo maxilla superior, libera inferiori, catenula alligatur, ut caput immotumseruetur, ac interim neque uox, neque respiratio uinculorum occasione præpediantur. |
F,F | Diuersa nouacularum genera, quibus spongia accumbit. |
G | Cultelli ad earum speciem formati, quibus calami adaptantur. |
H | Vulgaris qui mensæ adhibetur culter. |
I | Grandis ac ualidus culter. |
K | Cultri e buxo parati. |
L | Hamuli. |
M | Varij styli una cum siphone. |
N,N | Obliquatæ acus cum filo crassiore, quibus literarum fasciculos colligamus. |
n | Minores acus, quas uulneribus suendis accommodamus. |
O | Serra. |
P | Forficula. |
Q | Malleus ligneus. |
R | Arundines inflandis pulmonibus, et alijs quibusdam partibus idoneæ. |
S | Filum æneum, ossibus nectendis aptum. |
T | Subula forandis ossibus parata. |
V | Varia subularum ferra. |
X | Forpex intorquendis filorum extremis comparatus. |
Y | Forpex, quo intorti, et ossa iam committentis fili reliquias præscindimus. |