quatuor primarum thoracis uertebrarum et omnium ceruicis corporibus connascuntur, ac partim ab ijsdem principium ducunt, partimque ipsis inseruntur, non nimis liquido postmodum in occipitis os inserti, iuxta anteriorem foraminis dorsalem medullam transmittentis sedem. At hos exactius inter dorsum mouentes musculos recensebimus, flectunt enim superiorem dorsi partem, capite interim proprio motu horum ope uix flexo. Quamobrem etiam inter capitis musculos uix ueniunt enumerandi, quemadmodum neque alij adhuc quatuor (utrinque nimirum duæ) coniugationes ad ceruicis latera repositi, qui ceruicem ad latera, non autem caput proprio motu agunt. Et rursus alia coniugatio ceruicem extendens hic prætereunda est, ac ad reliquum de dorsum mouentibus musculis sermonem asseruanda, quum illæ nisi secundario caput moueant, ea nimirum ratione, qua brachium mouentes musculi, cubitum et extremam manum mouent.
[Illustrations]
PRÆSENS figura, primam secundamque ceruicis exprimit uertebras, posteriori sede delineatas, una cum earundem ligamentis hoc Capite describendis. Characteres autem figuræ inscripti ita habent.
| A,B,C | Prima ceruicis uertebra secundæ connexa. Verum A priuatim dexter primæ uertebræ sinus, qui dextrum occipitis ossis caput suscipit, indicatur. B autem sinister sinus, cui sinistrum occipitis ossis caput insidet. C uero primæ uertebræ sedes, ubi in spinam aliæ terminantur. |
| D,D,G,H | Secunda ceruicis uertebra. |
| E,E,E | Ligamentum membraneum, primam ceruicis uertebram secundæ uertebræ nectens. |
[Illustrations]
PRÆSENS figura, primam secundamque ceruicis exprimit uertebras, posteriori sede delineatas, una cum earundem ligamentis hoc Capite describendis. Characteres autem figuræ inscripti ita habent.
| A,B,C | Prima ceruicis uertebra secundæ connexa. Verum A priuatim dexter primæ uertebræ sinus, qui dextrum occipitis ossis caput suscipit, indicatur. B autem sinister sinus, cui sinistrum occipitis ossis caput insidet. C uero primæ uertebræ sedes, ubi in spinam aliæ terminantur. |
| D,D,G,H | Secunda ceruicis uertebra. |
| E,E,E | Ligamentum membraneum, primam ceruicis uertebram secundæ uertebræ nectens. |
279