radij partem brachiali proximam mouet, secundum ulnæ longitudinem, ex tota amplitudine interioris ipsius sedis enascitur, qua brachiali proxima est : hinc carneus, ad interiorem radij regionem transuersim procedit, ipsi carneus adhuc insertus. Habet itaque musculus hic, si cum reliquis secundum cubiti longitudinem expansis conferatur, fibras transuersas, exulna nimirum in radium recta conscendentes.Lib. 1 de Administrandis sectionibus. Neque hic musculus, ut uisum est dissectionis Professoribus, radium ulnamque intercedit, sed secundum cubiti amplitudinem, totam interiorem radij ulnæque sedem complectitur, et ad amussim quadratus est. Tantam enim obtinet longitudinem, quanta est latitudo interioris cubiti regionis, quam simul cum radio ulna constituit : deinde tam latus uisitur, quam longus : ad hæc omni ex parte carneus, et in ipsius medio spissus extuberansque obseruatur, instar puluinaris ipsum transcendentibus ad digitos tendinibus substratus. Huius musculi fibræ, radij partem quæ brachiale spectat introrsum trahentes, radium in pronum adigunt.Secundus. Exterior musculus contrarij motus autor, huic neque situ neque figura respondet. Si enim Natura in exteriori sede eiusmodi carneum musculum constituisset, cubiti pars brachiali præposita, minime leuis, carnisque expers mansisset, nequecommode tot musculorum tendines huc reponi potuissent. Proinde quum exteriorem interiori parem effingere nequiuit, ualidiorique motu hunc, quam interiorem, radium ducere oportuit, breuissimo per cubitum expansorum musculo, qui interior est, longissimum omnium qui cubitum perreptant. Natura opposuit, quantum scilicet ad musculi uentrem, et longiorem carnis ductum attinet.Primo [libro] de Administrandis sectionibus. Alias nanque perperam illum omnium longissimum esse Galenus dixisset, quum plerique ad digitos protensi, simpliciter multo longiores sint : neque id fortassis solum tendinum gratia, sed si quis diligenter omnes perpendat, uentris quoque. Ab externa itaque humeri regione elatius, quam musculi bifido tendine brachiale extendentis caput consistit, huius radij musculi principium educitur : quod quia secundum humeri longitudinem latum nascitur, carneumque est, longe supra exterius humeri tuberculum incipit. Musculus hinc deorsum expansus, et latus ualidusque apparens, radio insternitur, superiori lateri musculi bifido tendine brachiale extendentis contiguus. Vbi uero ad radij finem, cui brachiale coarctatur, processit, in exactum finit tendinem, qui membranæ modo latescens, radij appendicis superiori regioni inseritur, quadantenus in interiora productus. Musculus iste inferiorem radij partem, quæ brachiali committitur, in exteriora trahens, radium supinum efficit. Cæterum musculi, superiorem radij finem humero proximum in pronum supinumque ducentes, in hunc modum habent.Tertius. Interior ex interioris humeri tuberculi radice, et ex interiori ulnæ latere, qui humero articulatur, carnoso ualidoque principio enascitur : hinc admodum oblique internam radij sedem conscendit, carnea insertione ante medium ipsius longitudinis insertus. A carnea hac insertione, neruea implantatio ad medium usque radij longitudinis exporrigitur, radijque superiori regioni hic ualidissime inseritur, peculiarem inibi in radio asperitatem, cui inseratur, sibi uendicans.Quartus. Musculus iste, quoties contrahitur, intro radium ducens, illum constituit pronum : exterior, qui peculiarium radij musculorum quartus est, ductu figuraque nunc dicto propemodum par, enascitur ab exteriori articuli cubiti regione, ab articulum circumdante ligamento, ualide etiam ex ulna in posterioris sui processus, quem ὠλέκρανον Græci uocant, externum latus, principij sui portionem sumens. Hinc ad radium in priora conscendit, et radio propter interioris musculi insertionem applantatur : huius tamen insertio non æque atque interioris neruosa est, neque adeo in radij longitudinem producitur. Attamen ductus breuitas hos duos, ut et primum, qui ad brachiale habetur, exacto tendine destituit. Musculus itaque, quem postremo recensui, superiorem radij partem extrorsum oblique conuellens, radium ad supinum adigit. Constat igitur totum radij os, internorum musculorum beneficio pronum, exteriorum autem supinum effici : ac deinceps radij ope, summam manum eosdem motus ostendere.

QVEMADMODVM radius sui cum humero articuli beneficio pronus supinusque constituitur, ita quoque ulnæ cum humero articulus appositissime cubiti totius flexioni extensionique famulatur, et interim radius in eum modum humero est articulatus, ut simul cum ulna ad humerum flecti extendique queat.Cubitum mouentes musculi aut 5, aut 4, aut 3. Musculi uero horum motuum duces, si in maximum redigantur numerum, duo flexionem, et tres extensionem perficiunt : si autem ad minorem referantur, aut duo, aut unus, erunt extendentes : duo tamen, utcunque numeraueris, flectentes. In canibus et caudatis simijs necessario tres semper