nanque sedem insertionis musculi brachium ad spinam uersus inferiora trahentis, iste cubitum mouens musculus primum humero connascitur, aut potius alia ex humero inibi enata carnosi musculi pars, ipsi commiscetur, quemadmodum caudatæ simiæ et canis musculi manifesto arguunt. In his nanque musculus, qui ab inferiori scapulæ costa enascitur, ab illo qui hic ex humero prodit, omnino distinguitur.Carnosa pars qua primus extendentium augetur, quem secundum constituere licet.
Lib.1 de Administrandis sectionibus. Tertius extendenitium Carnosa igitur explantatione primus noster musculus adauctus deorsum recta fertur, medio interni lateris humeri et medio posterioris sedis humeri tantisper adnatus, dum partim carneus, partim nerueus, amplissime in internum latus posterioris ulnæ processus inseratur, in descensu semper ab ea quam dixi humeri sede ad finem usque ipsius, humero adnatus, ac ex ipso principij robur assumens. Integrum itaque est, in homine hunc musculum uniuersum, aut unum dicere, aut duos : ut unus quidem a scapula enascatur, alter autem ab humero, qui cum illo confunditur, cui scapula principium præbet. At Galeni nomine, quum in caudatis simijs duo manifesti apparent, duos illos in præsentia ponamus.Tertius igitur extendentium, qui in uniuersa cubiti musculorum serie quintus censebitur, a posteriori sede ceruicis humeri, ad capitis ipsius radicem neruosus enascitur, et sensim recta deorsum descendens, et externam sedem posterioris humeri regionis occupans, carnosus euadit, et pertinacissime humero adnatus ab ipso principij sui uigorem mutuatur. Priusquam uero medium longitudinis brachij hic musculus superauit, duobus nuper dictis ita commiscetur, et cum ipsis adeo coit, ut nullo prorsus pacto in hominibus discerni queant, nihilque aliud quam unum ex tribus effici musculum asserere possis. Quamuis interim tertius musculus suum quem a principio obtinebat ductum obseruet, atque ualidissime in externum latus posterioris ulnæ processus partim carneus, partim nerueus inseratur. Atque itatribus his musculis mutuo coëuntibus, totus ille posterior ulnæ processus amplexatur, in sui sedis inferiori parte, cui innitimur, neruosiorem insertionis partem, quam in lateribus, et superius exigens. Mutuus enim ille musculorum concursus, ac veluti ex omnibus unus efformatus musculus, in posteriori sede admodum liuidus conspicitur, tanto neruosior euadens, quanto ulnæ processui propius accedit. Vtcunque uero inter se musculi hi concurrant, nullus tamen ab initio inceptum fibrarum ductum deperdit, sed rectæ omnes deprsum, nusquam implexæ, neque sese decussatim intersecantes feruntur, et eandem omnes functionem obeunt, qua cubitum in neutrum latus inclinantem extendunt.Quomodo in canibus cubitum agentes musculi habens. Liquet igitur tres hos musculos unius loco recenseri posse, qui ex tribus conformatus esset principijs, aut duorum, si uidelicet primum et secundum unius loco habueris. At in caudatis simijs et canibus fieri id nequit : nam his animalibus perinde ac equo, et boui, et alijs plerisque, quæ anterioribus cruribus innituntur, atque in ingressu ualida extensione cubiti indigent, tres obtigerunt musculi egregie conspicui, præter unum gracillimum in caudatis simijs a scapula ad ulnam porrectum, et penitus a Galeno prætermissum. Quum interim canibus unicus tantum flexionis autor adsit, ut sane simijs duo, illis prorsus similes qui in homine uisuntur, nisi quod posterior nonnihil posterius ab humero in simijs procedit, et neruosior in ipsa insertione conspicitur. Cæterum simijs exteriorum primus ex scapulæ humiliori costa, ut hominibus, oritur : sed duo principia mox inuicem coëuntia obtinet, et deorsum tensus, carnosusque admodum redditus, nulli connascitur musculo, sed paulo supra cubiti articulum extenuatus, nerueusque factus, internæ sedi posterioris ulnæ processus inseritur. Secundus huic subiacet, et ubi homini secundus enasci dictus est, exoritur, toti humeri longitudini tantisper adnatus, quousque ualida insertione mediæ, et posticæ processus ulnæ sedi inseratur. Tertius, ut in hominibus, ab humeri ceruice principium ducit : inde carnosus euadens, et nulli musculo, præterquam fibrosis nexibus, hærens, in exteriorem sedem posterioris ulnæ processus implantatur. Atque hi sunt musculi, quos post scriptos de Vsu partium libros Galenus diligenter secuit : quamuis obscure interim, ne ipsius errorem animaduerteremus, nobis in libris de Administrandis sectionibus eos expressit, non passim libros de Vsu partium, quos iam olim Boëtho dedicarat, reformaturus. Quanquam tamen suo exemplari, quod postea ad posteros demanauit, illum nonnullas lineas inseruisse certo colligo : at in cubiti motus ducum enarratione, in libris de Vsu partium nihil sub incudem reuocauit. Quæ omnia ostensurus sum meis in Galeni Anatomica annotationibus,In Galeni Anatomica Annotationes. iam pridem non infoeliciter coeptis, ac seorsum aut cum Galeni libris multo quam antea emendatioribus aliquando cudendis.