| O,O | Huiusmodi uenulæ cerebri substantiæ hic obnascuntur, ab illis productæ uasis quæ K et L notauimus. |
| P | A uenis quæ cerebri substantiæ hic offeruntur, ramusculi extra uentriculorum amplitudinem hac ad tenuem cerebri membranam pertinent. |
| Q | Meatus ex communi concauitate dextri ac sinistri uentriculorum, seu a tertio cerebri uentriculo recta decliuis pertinens uersus peluim, quæ cerebri pituitam excipiens, eam infundibuli modo ad glandem defert, eius infundibuli extremo subditam. |
| R,S | Canales sinus’ue leuiter in uentriculorum substantia exsculpti, et pituitam ad meatus nuper Q insigniti orificium deducentes. |
[Illustration]
PRÆSENS figura a tribus proxime præcedentibus plurimum uariat. nam cerebri substantiæ in illis relictæ, ea pars in hac ablata cernitur, quæ dextri sinistrique uentriculorum sedem in illis figuris conspicuam efformabat. dein tota ea quæ cerebello adhuc innitebatur, hic quoque resecta est, ut duræ membranæ conspiceretur portio, cerebellum ac cerebrum intercedens. Insuper duræ membranæ conspiceretur portio, cerebellum ac cerebrum intercedens. Insuper duræ membranæ sinus in illa consistentes ductis cultelli anterioris mucrone sectionibus, hic etiam aperuimus, et uas a quarto sinu duræ membranæ in cerebri uentriculos pertinens, hic ex tertio cerebri uentriculo subleuatum, et a plexibus secundinæ similibus auulsum, in posteriora refleximus,
611