| R,R,R | Cerebellum tenui adhuc obductum membrana. |
| S,S, etc. | Vasa uenarum modo tenuem cerebelli membranam implicantia. |
| T,T | Propagines uasorum tenuem cerebelli membranam implicantium, ad eas producta arterias, quæ secundum dextri et sinistri cerebri uentriculorum posteriora sursum conscendunt plexus efformaturæ, quos extimo fœtus inuolucro dissectionis proceres contulerunt. |
| V,V | Duræ membranæ portio, quæ superiorem cerebelli sedem a cerebro dirimebat. |
| X,X | Propagines notantur a uasis, dictam nuper duræ membranæ portionem implicantibus, in tenuem membranam qua cerebellum uestitur excurrentes. |
| Z,Z | Idem hic Z et Z notant, atque in septima figura, duram uidelicet cerebri membranam ossi adnatam, in quod auditus organum reponitur. |
[Illustration]
IN hac figura eadem cerebri portio, quæ in octaua seruatur, uerum præsens figura in faciem prorsus reposita, eam duræ membranæ partem abscissam habet, quæ cerebrum a cerebello dirimit. deinde cerebellum hic deorsum e sua caluariæ sede manibus protractum, ac deorsum modice inuersum propendet, ut ipsius regio caluariæ alias contigua, oculis subijceretur, et dorsalis medullæ cauitas uideretur, alterum partem quarti uentriculi constituens. Ad hæc, præter uenarum quarundam et neruorum progressus, etiam primus et secundus duræ membranæ sinus hic aperti ad amussim exprimuntur.
| A,A | Cerebri portio adhuc in caluariæ amplitudine reliqua, atque hic in sua sede adhuc asseruata. |
| B,C,D | Tribus his characteribus cerebellum deorsum ex sua sede reflexum indicatur, tenui membrana adhuc inuolutum, ac dorsali medullæ connatum. Verum B priuatim cerebelli dextram indicat sedem, caluariæ sinui P notando correspondentem. D uero sinistram, quæ illi caluariæ sedi |
614