[Illustration]
HAC figura caput a sinistro latere exprimitur, dextro nonnihil subleuato. Ex caluariæ autem amplitudine cerebellum hic euulsimus, ea tantum cerebri relicta portione, quæ in octaua et nona figuris adhuc seruabatur. Verum illa cerebri portio hic in sua non consistit sede, sed eleuata est, et in posteriora ab ipsa caluariæ basi aliquousque reflexa, ut tandem in conspectum uenirent cerebri processus forma neruis non absimiles, et olfactus organo subministrantes : quorum sinister e sua sede cum ipso cerebro eleuatus est, dextro adhuc duræ cerebri membranæ qua octauo capitis ossi obducitur, connexo.
| A,A | Cerebri pars dextra. |
| B,B | Sinistra cerebri pars, tenui membrana adhuc quemadmodum et dextra pars obuoluta. |
| C | Dextrum olfactus organum in sua sede adhuc seruatum. |
| D | Sinistrum olfactus organum, una cum cerebro in posteriora reflexum. |
| E | Sinus, cui sinistrum olfactus incumbit organum. eaque regio duræ membranæ hic indicatur, quæ odoratus nomine hac in sede multis, sed exiguis foraminibus peruia cernitur. |
| F | Vena caluariam petentium sexta, hic in duram cerebri membranam aliquot surculis excurrens. |
| G | Septum sinus olfactus organis incisos interdiuidens. |
| H | Duræ cerebri membranæ partis portio, quæ dextram cerebri partem a sinistra dirimit. |
| I,I | erebrum passim excauatæ sibi in caluaria amplitudini respondens, hic quoque ad frontis ossis regionem sibi insculptis cauernis congruit, et leuibus tuberibus prominet, quæ alij mamillares cerebri uocarunt processus. |
| K | Vena caluariam petentium quinta, cui iter præbet foramen secundo neruorum pari exsculptum. |
| L | L, ut et subsequentes characteres, in umbra occipitij cauitatis latitat, et parui etiam est momenti. quandoquidem L caluariæ sinum indicat, cui dextra cerebelli pars congruit. |
| M | M sedem, quæ mediam cerebelli partem respicit. |
| N,O,P,Q | N sinum, in quem sinistra cerebelli pars reponitur. O uero dextrum seu primum sinum indicat duræ membranæ. P autem tertium, Q secundum, seu sinistrum. |
617