[Illustration]
HÆC figura occipitio prorsus innititur, et uniuersa cerebri substantia quæ adhuc reliqua erat, in posteriora deorsum deflexa pendet, ut olfactus organa, et uisoriorum neruorum coitus, et maximi soporalis arteriæ rami in conspectum uenirent.
A,A | Dextra cerebri pars, adhuc tenui membrana cerebri obducta. |
B,B | Sinistra cerebri pars. |
C,C | Cerebri tubera, quæ a similitudine quam cum papillis habent, mamillares cerebri processus plerisque nuncupantur. |
D,D | Sinus olfactus organis parati. |
E | Septum olfactus organis paratos sinus interdiuidens. |
F,F | Sinus caluariæ, quibus mamillares cerebri processus C et C insigniti congruunt. |
G,G | Vtrinque notatur uena caluariam ingredientium sexta. |
H | Vena caluariam ingredientium quinta. |
I | Vas notatur uenæ correspondens, in tenuem cerebri membranam ab illis uasis excurrens, quæ in dura consistunt membrana. |
K | Principium eorum ductuum qui per duræ membranæ latus excurrunt, perinde ac si uena esset arteriæ commissa. Atque hi ductus in prima figura multis D insigniuntur. |
L,L | Olfactus organa hic una cum cerebro a dura membrana deorsum diuulsa. |
M | Neruorum uisoriorum coitus. |