CALVARIÆa suturas ad fuliginosorum cerebri excrementorum transitum summopere opitulari, primus liber ubi suturarum usus recensebatur, ostendit. Præsens autem locus exigit, ut partes singulas pituitosæ excretioni famulantes enumeremus.Breuis enumeratio partium ad pituitæ efluxum famulantium. Sunt autem hæ, duo in cerebri substantia insculpti meatus, dein tenuis membranæ portio infundibuli instar efformata, postmodum glandula infundibuli huius mucronem excipiens, et meatus a glandula hac ad palatum nariumque foramina pituitam deducentes.Meatus ex tertio cerebri uentriculo educti. Duos equidem cerebri meatus, quum tertium cerebri uentriculum, seu communem dextri sinistrique ventriculi cauitatem prosequerer, antea recensui. acb unum quidem insigni satis amplitudine ex media communis cauitatis sede recta deorsum in cerebri substantia insinuatum descendere dixi, ita sane ut præsentis meatus finis e regione eius caluariæc partis sit, quæ sinumd glandulæ qua cerebri pituita excipitur reponendæ aptum, constituit.e Alter meatus, quem rarissime obseruaui, quique dicto longe arctior secantibus occurrit, ac exfmeatu illo deducitur, qui a tertio uentriculo in quartum per cerebri testes natesque pertingit. quamprimum enim meatus is cerebri testes subire incipit, ex anteriori inferiori'ue ipsius sede, alter pituitæ expurgandæ subseruiens cerebri meatus producitur, sensim deorsum in anteriora tantisper protensus, dum in finem primi meatus terminetur, idemque ex ambobus meatibus orificium consurgat.Peluis in quam cerebri pituita defluit. Ad huiusgorificij latera, tenuis membrana etiam hic cerebelli basim succingens, orbiculatim a se educit suih portionem processum'ue, substantia prorsus cum reliqua tenui membrana similem, nisi quod gracilibus prorsus uenis, quanquam interim frequentibus, intertexitur. Præsentis processus initium accurate refert elatissimam regionem infundibuli, quo in angustioris orificij lagenas uinum infunditur. est enim amplum, et orbiculare. Ab exortu uero sensim in arctum infundibuli quoque modo cogitur, donec tandem ueluti in angustam oblongamque fistulam similiter atque infundibula finiat, quæ deorsum protensa, per peculiare sibi in dura cerebri membrana excisum foramen descendit, suo mucrone adi glandem qua cerebri pituita excipitur, desinens. Adeo ut uniuersum hoc membranæum corpus infundibulo, et imagine, et usu quam similimum censeri debeat, unde etiam Græcis χοανὴ nuncupatur. quanquam etiam a scyphi, seu in qua in balneis lauamur conchæ forma (quam superior huius corporis pars exprimit) πύελος appelletur. Nihilominus alibi a nominum impositoribus, humilior corporis huius infundibuli fistulæ non absimilis, χοανὴ dicta uidetur. reliqua autem pars superior, quæ sensim in arctum desinit, magnaque ex parte uisorijs neruis qua illi inuicem coeunt,k subtenditur, πύελος. Rursus integrum hoc membraneum corpus, πύελον nonnullis uocatum uideo : glandem autem in quam pituita distillat, χοανὴν : quasi forma quæpiam esset, in quam aliquid infunditur.Glandis pituitam excipientis historia. Et si ueteres, qui generis successione pueros Anatomen edocebant, id nomen glandi non attribuerint, eam inter omnes in caluariæ amplitudine repositas partes solam priuato nomine indigam reliquisse uidebuntur. Locatur autem glandula sub dura cerebri membrana in proprio ipsi in osse cuneum imitante exsculptol sinu, cuius etiam effigiem exprimit. depressa nanque est, et in humiliori parte quodammodo gibbosa orbicularisque, in superiori uero concaua, et sinu quodam insinuata, secundum orbem non prorsus circularis conspicitur, uerum paulo minus toto quadrata. Substantia constat glandulosa, sed cæterarum glandium corporis substantia longe duriori et compactiori. Omni ex parte tenui membrana obducit, quæ aut ab infundibuli termino glandulæ sinui innato exoritur, aut etiam a membrana caluariæ os tota illa sede succingente, qua in hac regione dura cerebri membrana a caluariæ osse abscedit, distatque. Huius caluariæ ossi obductæ inibi membranæ interuentu glandula firmatur, et etiam duabus insignioribus soporalium arteriarum propaginibus adhæret, quæ ad ipsius lateram prorepunt, et ridicule in hominibus reticularem plexum formare cæteris dissectionis professoribus creduntur. Non secus profecto quam si et illarum propaginum gratia, hæc glandula effin-