L | Duræ cerebri membranæ portio neruum uisorium obuoluens. |
M | Duris oculi tunica, quam dura cerebri membrana constituit. |
N | Duræ oculi tunicæ pars, quæ cornu instar pellucida uisitur. |
O, O | Humor aqueus, atque inferius O sedem indicat, in qua suffusiones plerunque proueniunt. |
P, P | Musculi oculum mouentes. |
Q | Adhærens, alba'ue oculi tunica. Cæterum subsequentes modo figuræ seriatim oculi partes exprimunt, primum quidem humores, ac dein tunicas. Atque has figuras omnes semper ad primam quam modo expressimus, non inepte contuleris : quandoquidem illæ compositionis ordine inuicem subsequuntur, ac ad primæ huius figuræ proportionem sunt expressæ. |
[Illustrations]
SECVNDA figura solum crystallinum humorem anteriori sede ita exprimit, quemadmodum is omnibus illum ambientibus partibus liberatus, e directo intuenti occurreret. Tertia figura nudum prorsus crystallinum humorem commonstrat, ea sede se ostendentem, qua ex latere, ut ita dicam, ab aliquo spectaretur. Verum R asperitatem, sedemque notat, cui oculi