cerebrum erigatur utcunque intuearis. ac dein acutiori cultello illis propaginibus a suo sinu liberatis, eam duræ membranæ partem ag septo sedium olfactus organorum liberes, ac ueluti ex cerebro eleuatam in posteriora reflectas, ipsiush sinu qui uenæ instar toti inferiori ipsius sedi exporrigitur inspecto. Cuius origo, ut et cæterorum omnium, paulo post in propatulum ueniet. Nunc autem ductus in tenuem membranam excurrentes, ipsaque membrana inspicientur. Vbi itaque nuper dictam duræ membranæ partem in posteriora reflexeris, ac utranque cerebri partem disiunxeris,i longos in tenui membrana ductus intuebere, qui per capitis longitudinem in illam ex quarti duræ membranæ sinus termino producuntur. Horum ortus in præsentia curiosius non uenit inquirendus, ne fortassis quum cerebrum nimium studes disiungere, aliquid incuria rumpas. Alias enim hortarer, ut utraque cerebri parte quam maxime in posteriori sede disiuncta, duram membranam qua cerebri partes intercedere incipit, quam posses proxime abk illa duræ membranæ parte, quæ cerebellum ac cerebrum interuenit, acutioris cultelli mucrone diuideres. tunc eniml quartus tibi appareret sinus, et quas ille educitm propagines. Deinde etiam cerebro a dura membrana, quæ id et cerebellum intercedit, modice eleuato, ramuli ex illius duræ membranæ parte in tenuem cerebri membranam exporrecti uiserentur.Tenuis membranæ a cerebri reuolutionibus auulsio. Verum hæc cerebri portione ablata inspicere longe erit satius. ac proinde illis ductibus qui secundum capitis longitudinem in tenui membrana suprancallosum corpus feruntur expensis, unguibus, aut cultello alicubi tenuem membranam diuelles, ac deinde sensim a cerebro ipsiusqueo anfractibus eam digitis detrahes. Cerebrum hac liberatum membrana suos ostendit anfractus : argumentoque est, qui a tenui membrana contineatur, quum scilicet hac detracta, impense dilatescat, et concidens prorsus, quodammodo defluat.Superioris callosi corporis superficiei examen. Porro cerebri anfractuum altitudo ac profunditas digitis, aut stylo uenit indaganda. atque ita etiam solo digitorum munerep elatior callosi corporis sedes, et qui utrinque hic consistunt sinus, inquirentur.Dextri et sinistri uentriculorum apertio. Simulatque uero hos inueneris, utrinque magnam cerebriq auferes portionem, primum magna et acutiori nouacula sectionem per dextrum, qui ad callosum corpus consistit, sinum deducens, quæ totam cerebri partem sinu illo superiorem, a fronte ad occipitium usque simul in dextro latere adimat. pluribus enim reiteratis sectionibus, operatio turpiter uitiatur. Ademptam cerebri partem in mensam ita repones, ut elatior dextri uentriculi sedes in conspectu sit. ea enim quam fieri præcepimus sectio, dextrum uentriculum diuidit, si modo recte secundum sinum qui ad dextrum callosi corporis latus uisitur, administrata fuerit. Dextra cerebri parte ad eum modum ablata, in sinistra idem quoque (ut et sinister quoque pateat uentriculus) moliendum est, per sinistrum iuxta corpus callosum consistentem sinum facta sectione, callosoque corpore quam fieri licebit maxime immoto, diuulsoque.Dextri sinistrique uentriculorum septi examen. Quandoquidem id postquam sinistrum quoque cerebri uentriculum inspexeris, uidendo uentriculorumrsepto seu speculo, sensim, et quam accuratissime ubi utrinque continua illi cerebri pars adempta est, summis utriusque manus digitis modice æqualiterque attollendum uenit. Septum enim si ad eum modum callosum corpus erexeris, et dein candelam contrario eius quod inspicis lateri (nisi illi clarior dies obluceat) adhibendam curaueris, euadet conspicuum.s Iam callosum corpust anteriori parte, qua olfactus organorum interstitio uicinius est, cultello a cerebro liberabis, et deinde id hac parte eleuatum digitis sursum trahes, in posterioraque diuulsum reflectes. ita nanqueuelatiorem speculi septi'ue sedem calloso corpori,x inferiorem uero illi cerebri parti quam testudini ac camerato assimilamus, connatam cernes.Corporis testudinis modo efformati examen. y Cameratum autem (cuius nunc superior sedes undique obuia est) obtusiori stylo uenit examinandum. ac primum quidem stylus ad syphonis formam obliquatus camerato ex dextro uentriculo in sinistrum mittetur : et camerati perpensis lateribus, anterior ipsius pars cerebri substantiæ non procul ab olfactus organorum septo connata, cultellozdiuidetur, et digitis deinde eleuata in posteriora reflectetur, ut et ipsius inferior superficies quæ testudinis modo caua est, occurrat. Reflexo itaque camerato, qui id posteriori sua parte uelut ex dextro sinistroque cerebri uentriculo enascatur, immissis stylis peruestigabis, et deinde id in pristinam ipsius sedem repositum longa sectione diuides, aut potius cultello uniuersum radicitus præscindes. Conduxerit tamen priusquam præsecetur, sub ipso stylum ada eam usque partem, qua ex quarto duræ membranæbsinu uasa ductus'ue, ad anteriores cerebri uentriculos sub camerato pertinet subijcere, ac adamussim ipsius usum constructionisque rationem elegantissimam examinare.Ventriculorum dextri et sinistri, et in ipsis uasorum examen. Statim uero atque ademptum, longa ue sectione diuisum, ac postea utrinque diductum erit, attendesc plexui a secundarum forma χοροειδῇ Græcis dicto, et ductibus a quarti duræ membranæ sinus fine exporrectis. Ac proinde primum posteriorem uentriculi sedem stylo inquires, qualiter hæc scilicet ex posterioribus deorsum in priora descendat, per illamqued arteria ascendat, quæ antrorsum prorepens, alteram eius ductus portionem assumit, qui a quar-