[18]interim animal libere respiret clametque. Priusquam uero animal ita uincitur, spectatoribus in mortuorum Anatome uersatis recensere soleo, quæ nam potissimum præsenti sectione sint uidenda, ne prolixa in dissectione enarratio operi obsit, illamque interturbare cogar. Mox itaque longam in collo sectionem acutiori nouacula duco, quæ cutem et subiectos illi musculos ad asperam usque arteriam diuidat, id cauens, ne sectio in latus aberret, uenamque notatu dignam uulneret.Neruorum recurrentium examen, uocisque eorum sectione abolitio. dein manibus arteriam asperam compræhendo, et illam ab incumbentibus musculis digitorum duntaxat opera detegens, ad huius latera soporales arterias, illique attensos sexti paris neruorum cerebri neruos perquiro, dein recurrentes neruos lateribus asperæ arteriæ ad natos etiam obseruo, quos interdum laqueis intercipio, interdum præscindo, idque primum ex altero latere, ut neruo hic intercepto præsecto ue dilucide obseruetur, qui media uox pereat, totaque ambobus neruis læsis intercidat, et si laqueos soluo rursus redeat. id enim cito et citra insignem sanguinis fluxum expenditur, ac pulchre auditur, quam ualidam efflationem animal citra uocem moliatur, recurrentibus neruis cultello diuisis. Hinc ad abdomen uenio, et acuta ualidaque nouacula sub spuriarum costarum cartilaginibus, mucronataque pectoris ossis sede sectionem instar semicirculi uno ductu ad peritonæi usque cauitatem molior, ex cuius sectionis medio ad pubem usque aliam tento, quæ prompte succedit, si cultrum aut nouaculam peritonæi amplitudini indem, itaque intestina et uterum foetibus distentum duabus illis sectionibus detegem, id sedulo studens, ut peritus sodalis pollicema uasis obdat, quæ sub pectoris osse descendentia abdomen petunt. illa enim sola hactenus multum sanguinis fundunt.Septi transuersi functionis examen. Hic modo sectioni uiciniores hortor, ut manub septo transuerso adhibita, ipsius motum experiantur : dissitos autem, ut uentriculi et iecoris ueluti in thoracis cauitatem assumptionem et dimissionem spectent. Interea in altero thoracis latere longam sectionem ad costarum usque ossa duco, ad eam fere regionem, qua costæ in cartilaginemc degenerant. et dein secundum costarum ossa transuersas sectiones molior, ut ossa incumbentibus musculis aliqua ex parte liberem : et dein si operosiorem administrationem sequi uisum sit, intercostales musculos in duobus costarum interuallis a tunica costas succingente auferam, ut dein mediam inter illa interualla costam solarum manuum auxilio a tunica costas succingente auellam, illaque a sua cartilagine fracta, et deorsum in latus inflexa, magna tunicæ costas succingentis appareat amplitudo, quæ pellucida pulmonis motum utcunque arguat.Pulmonis motum. Hac insuper pertusa, uidetur qui huius lateris pulmo concidat, thorace interim æque ut prius moto. Vt uero id magis in conspicuo fiat, plura costarum ossa a suis cartilaginibus libero, et quam possum maxime hoc thoracis latus daperio, ut commode per membranas thoracem intersepientes, altera pulmonis pars, quæ in thoracis cauitate nondum læsa pulchre cum thorace mouetur, in conspectum ueniat, ac deinceps illis membranis pertusis, hæc quoque mox a perforatione concidere uideatur.e Nunc in altero etiam latere acutiori cultro, una sectione costarum ossa a cartilaginibus libero, et a cartilaginibus pectorisque osse septum transuersum, ut os illud cum cartilaginibus diuulsis thoracem intersepientibus membranis, sursum ad collum reflecti queat, cordisque inuolucrum in conspectu sit.Aquæ in cordis inuolucro reposita, et cordis mortuum examen. quod ilico cultello aperiendum est, obseruandumque quantum aquæ contineat, et qui cor agitur. Verum cordis motui non diu animum adhibebis, quin potius ut animali iam fere propter concidentes pulmones suffocato succurres : ut dein adamussim rursus cor arteriasque, et fœtus in utero contentos, quandiu uisum erit, examines. Hactenus enim sanguinis fluxus parum incommodi animali intulit, si modo illa quæ sub pectoris osse repuntf uasa sodalis diligenter pollice, aut indice et medio obturauerit, atque pectoris os sursum ad collum reflexum iaciat, itaque ob uasorum obliquitatem illa nihil amplius fundant. quod et in uasis costis singulis exporrectis sit, quum costæ effractæ deorsum, uti fieri solet, euertuntur : ipseque dum sectionem administras, uasa tantisper dum obliquentur occludere adnisus fueris, illorumque series te non fugerit. utcunque sit, mihi in hac sectione sanguinis fluxus obesse nunquam uisus est. Vt uero uita animali quodammodo restituatur, foramen in asperæ arteriæ caudice tentandum est, cui canalis ex calamo aut arundine indetur, isque inflabitur, ut pulmo assurgat, ac ipsum animal quodammodo aërem ducat. leui enim inflatu in uiuo hoc animali pulmo tantum quanta thoracis erat cauitas intumet, corque uires denuo assumit, et motus differentia pulchre euariat.Num cordis et arteriarum par pulsus sit examen. Inflato igitur semel atque iterum pulmone, cordis motum uisu tactuque quantum lubet examinas, et arteriæ magnæ caudicem dorso explicatam, aut in thoracis cauitate, aut ad lumborum uertebras comprehendis, et spectas pariter, nihilque tibi manifestius occurrit, quam cordis et arteriarum pulsuum rhythmus. quo aliquandiu obseruato, pulmo rursus inflandus est : hocque artificio, quo mihi gratius in Anatome nullum comperi, magna pulsuum differentiarum cognitio paranda. Quum enim pulmo diu flaccidus concidit, undosus, formicans, et uermicularis cordis arteriarumque pulsus mo-