[19]tus'ue spectatur. inflato autem pulmone, magnus rursus et uelox efficitur, mirasque inæqualitates proponit, et, ut semel dicam, hæc administratio eiusmodi est, qua omnium optime pulsuum naturam medicinæ candidatis proponere soleo.Fœtuum examen. Verum in horum examine foetuum gratia non diu hærendum est, sed in aliqua bicorni canis suis'ue uteri sede, sectionem super foetum aliquem duco adg extimum ipsius usque inuolucrum penetrantem : quo deinceps ab utero diuulso, foetum cum suis inuolucris eximo, et effracto extimo, medioque inuolucro, per intimum ualde pellucidum ostendo, qui fœtus respirare conetur, quamque pulchre intimo quoque inuolucro fracto aërem ducat. Mox proximum foetum, quantum possum detego, uterum nulla ex parte ab extimo inuolucro diuellens, ut hic ita fœtus uasorum natura examinetur, uti prius uiuam foetuum dissectionem faciendam præcepi.Arteriæ uenalis et uenæ arterialis motuum examen. Et quum hæc facio, ac per interualla pulmonem inflari curo, nondum cordis et arteriarum motus latet, uerum magno admodum interuallo animalis uitæ succurritur, et cordish auricularum motus expenditur, perinde aci arteriæ uenalis, et rursusk uenæ arterialis : quæ si non sat sit proxime ad cor tetigisse, in aliqua pulmonis fibra ipsius substantiam a uasis unguibus discerpo, et quod hic animaduertendum est, pro spectatorum industria obseruari sino. Quum hæc absolui,l dextrum cordis uentriculum aperire soleo, et obseruare qui cor nihilominus adhuc moueatur : deinm sinistro similiter aperto, aut cordis media parte transuersa sectionen ablata, spectatores moneo, ut adhuc auricularum cordis motum nondum quiescere intueantur. Dein si animali potus colore aliquo infectus ante sectionem oblatus sit cuiusmodi ille in pulmonibus occurrit, perquiro : hac sectione, quam pro spectantium eruditione adhuc operosiorem interdum instituo, toti Anatomicæ speculationi colophonem in nostris scholis perinde addens, atque huic meo De Humani corporis fabrica studiosorum nomine suscepto labori, finem impono.

LIBRI SEPTIMI ET VLTIMI FINIS.