Ms BIU Santé no 2007, fo 66 vo.
Si pergat Cl. vir D. Rolfinckius in Opere Anatomico illustrando
et adaugendo, ejúsq. novam meditetur editionem, debet illa fieri in
majori volumine, quod vocant in folio ; quod optimum fore puto si universam et
perfectam Anatomem contineat. Regius ille hortus nil habet hodie regium ;
quippe qui regiorum stipendiorum defectu, propter sumptus bellicos, totus
deseritur, incultúsq. manet, nec ullam habet gratiam novitatis. Antehac
aliquid in eo docebatur, et stirpes declarabantur Philiatris : sed hæc omnia desi[e-]
runt propter regiorum Quæstorum φιλαργυριαν, et aulici cujusdam
medicastri, jus in illum hortum sibi vendicantis abruptam contumaciam
et impudentiam : nec mirum, cùm leges inter arma sileant, nequid-
quam melius viris bonis sperandum videatur, nisi pace cum Hispano
facta ; quod quando futurum sit, mysterium est, et grande arcanum,
soli Deo reservatum. <*> De Geranij noctu olentis seminibus propter Te
inquiram, à nostris Doctoribus qui rem Botanicum colunt : ex quib.
unus quædam grana mihi pollicitus fuerat ; pro ijs aurem illi vellam,
et amicam pollicitationem illi in mentem revocabo. Viros Clariss. et omni laude
majores, DD. Rolfinckium, Conringium, Nicolaï, et alios qui rebus
nostris favent, meo nomine saluta, et vale.
Tuus ex animo
G. Patin.
Datum Lutetiæ Paris. die Ven. 22. Febr. 1658.
<*> Hîc habeo Græcè editum Ruffum Ephesium, in 8. Parisijs 1554. de
vesicæ renúmq. morbis : de purgantib. medicamentis : de partibus corporis
humani : Sorani de utero et muliebri pudendo : quem utinam haberes, mittam si volueris. Meletium Græcum numquam
si eo indiges, et
vidi : imò Græcè dicitur numquam editus, sed dumtaxat MS. haberi in
quibusdam Bibliothecis. Quamvis multiplici nomine Tibi sim obstrictissi-
mus, audebo tamen Tibi iterum importunus esse, Teq. rogabo ut solita
tua benignitate, velis præsentem catalogum inspicere, et eos qui apud
vos prostabunt mihi emere.
