À Sebastian Scheffer, le 16 juin 1661
Note [s]
Ms BIU Santé no 2007, fo 103 ro.
Cl. viro D. Steph. Scheffero, Medicinæ Doctori Francofurtum.
Iamdudum de Te nihil audivi, ex quo doleo, Vir Cl. Hac itaque mea scriptione
moneo Te, forsan à somno excito, aut à lethargo te revoco ; imò compello Te, utinam
et Te moneam, ut tandem ad me scribas. Sed dices, quid vis ut scribam, quum
nihil nobis suppetat novi ? Ego regero : scribe quî valeas, ut et Dominus Parens
tuus venerandus Senex : quî se habeat vester P. Lotichius : an pergat in sua
Historia Germanica ? an cogitet de nova editione sui Petronij valde adaucta. Præ-
terea scribe quid vestrates moliantur Typographi, præsertim de rebus Philosophicis,
aut Medicis. Nonne spem mihi feceras aliquot Opusculorum recudendorum
optimi olim Amici nostri, Casp. Hofmanni, viri doctissimi ? quandonam ad me