À Jacques de La Fosse, le 27 juin 1664
Note [s]
Ms BIU Santé no 2007, fo 171 vo.
Viro clarissimo Iac. de la Fosse, Sedanum.
Scilicet tuæ humanitatis erat, ut non tamen munusculum exiguum
reciperes, sed etiam et amicitiæ testificatione et elegantissima Epistola
compensares : cùm utrumque mihi jucundissimum est, tum erit jucundius
si mihi id palam testandi occasionem dederis. Hoc nisi facis, aut meum erga
Te studium viam inveniet, aut fortuna monstrabit : Tuum a. officium
est alterum juvare, alteram data significatione anticipare : meum erit omni
diligentia atque festinatione aut iuventa aut imperata à Te, vel
saltem subindicata perficere. Vale, Vir Cl. Lut. Paris. v. Cal.
Iul. 1664.
Tuus ex animo, Guido Patin, Doctor Med. Paris.
et Professor regius.