Commentaires de la Faculté de médecine de Paris

BIU Santé, tome xiii, f^o 477 r^o.

Res gestæ in Academia Parisiensi, in Decanatu
Magistri Guidonis Patin, Bellovaci,
à die Sabbathi v. Novembris, 1650. ad diem Sabatthi
4. Novembris, anni 1651.

    Die Sabbathi, quinto Novembris, 1650. ipso eodem die quo
fueram renuntiatus saluberrimæ Facultatis Decanus, in Comitijs
ordinarijs Academiæ Paris. habitis in regia Navarra, apud
Mag. Ioannem Courtin, Arvenum, sacræ Theologiæ Licentiatum,
tria nobis fuerunt proposita ab amplissimo Recotore.

    1 Nobilissimam quandam Dominam, viduam D<omi>ni de
Guebrian, Polemarchi Galliæ, postulare ab Academia
venditionem loci cujusdam in angulo magni vici in prato
Clericorum, in quo possit sibi magnam domum ædificare,
ut antehac vicini quidam fuerunt, DD. Pithou, de
Berulles, Tambonneau, Leschassier, Luilier, le Vasseur,
et Bragelonne, et alij.

    2. Ut dies constituatur pro audiendis rationibus
Mag. Samuelis Dacolle Quæstoris Academiæ.

    3. De sublevanda egestate cujusdam pauperis dicti
Crassot, cui jam antehac, quasi Græcæ linguæ Professori,
pluries opem contulit Academia.

    Ad 1. decretum est petitionem factam à vidua Domini
de Guebrian, suspectam et insidiosam haberi debere, ne
forsan procederet ab hostibus Academiæ ; ideòque locum
illum non esse vendendum : aliam quoque subesse causam,