Note [ap]
Commentaires de la Faculté de médecine de Paris
BIU Santé, tome xiii, fo 518 ro
rejectum est istud negotium, de nominando Parœco, pro æde
S<anc>ti Germani veteris in Civitate.
Die Mercurij 4. Sept. 1652. convocata fuit Facultas per
bidellum, articulo speciali, more solito, horâ secundâ pomeri-
dianâ : Tunc retulit Decanus se in manibus habere quos
saluberrimæ Facultati exhibuit, titulos trium Competi-
torum, quos a triduo ab illis acceperat. Magister Andreas
Merlet adferebat literas sui baptismatis, sui in Artibus
magisterij, in Academia Parisiensi, et sui Sacerdotij.
Magister Simon Pietre attulit literas Scholastici jurati
in Academia Parisienis, literas tonsuræ et Confirmationis :
literas Baccalaureatus et Licenciatus in Iure Civili, in
Academia Aurelianensi ; ut et literas Doctoratus in Iure
Canonico, Parisijs adepti. Magister Ioannes Richard
attulit literas Confirmationis et tonsuræ : literas sui
Sacerdotij : literas Baccalaurei Theologi Sorbonici :
literas sibi concessas ab Archiepiscopo Parisiensi, pro audien-
dis Confessionibus, pro habendis sacris concionibus, et pro
licentia disputandi in hæreticorum et sectariorum perfidiam.
Novus Competitor et nuper exortus, Magister Ioannes
Vacherot, Collega noster, mihi quoque deposuit in manibus
literas tonsuræ et Confirmationis : ejus eruditionem,
probitatem, pietatem, et alias virtutes Christianas,