Note [u]
Commentaires de la Faculté de médecine de Paris
BIU Santé, tome xiii, fo 507 vo
ad singulos latam, tria proposita sunt à Decano :
primò de inclementiore dicto Magistri Philiberti
Morisset, adversus Mag. Ioannem Pietre, qui
vocatus fuit impostor à dicto Mag. Philiberto
Morisset, sententiam suam dicente, et cum
iracundia loquente, adversus eos qui illum dicentem
interpellabant, ex quibus unus fuit ille Mag.
Ioannes Pietre.
Secundò, de audienda supplicatione viri
clarissimi Magistri Claudij Germain, Collegæ
nostri doctissimi, pro suo libro Orthodoxo dicto,
de Antimonio et venenata ejus natura,
cujus approbationem supplex requirit à salub.
Facultate.
Tertium negotium S<enatu>C<onsult>tum, ex libello
supplice, vulgò Arrest sur requeste, nuper
impetratum à M. Fr. le Vignon, et ante horam
unam, in ipsius Decani ædes per regium Apparito-
rem delatum, quo ipse M. Fr. le Vignon, nuper
Scholarum fructibus ac emolumentis spoliatus, ad
annum ; quod consilia medica eum habuisse nobis
compertum fuisset cum insigni quodam et
famoso in Urbe Parisiensi Medico extraneo
dicto Valot, per Decretum Scholæ ad-
versus eum et alios duos Collegas latum, die
Iovis, vigesimo nono Februarij, proximè elapsi, 1652.