Note [v]
Commentaires de la Faculté de médecine de Paris
BIU Santé, tome xiii, fo 508 ro
provocabat ex illo Decreto ad Senatum tanquam ad supe-
riorem Iudicem, quasi minùs nobis constaret de facto et
rei veritate.
De quibus singulis tribus articulis, Facultas sic
censuit. De primo : Monendes esse Magistros Phili-
bertum Morisset ac Ioannem Pietre, ut deposita omni
simultate, amicitiam inter se colant in posterum, per
leges της αμνησιας. De secundo : Audita supplicatione
Magistri Claudij Germain, nominati sunt Examinatores
sex, nempe quatuor ex majori ordine, Mag. Ioannes
Merlet, Franciscus Guenaut, Ioannes Bourgeois, et
Renatus Moreau : ex minori duo, Magistri Nicolaus
Richard et Leo le Tourneurs : ea lege ut examinato
libro referant ad Facultatem, quæ de eorum relatione
postea decernet, ac si opus fuerit, æquúmque videatur,
pro dicti libri approbatione, decretum tradet ipsi Auctori.
De tertio articulo : Saluberrima Facultas putat
in litem esse descendendum adversus Mag. Franciscum le
Vignon, à nobis et Scholæ nostræ legibus provocantem ad
Senatum : super quo censuerunt quoque Seniores nostri,
virum Illustrissimum Dominum Fouquet, Cognitorem regium
in Senatu Parisiensi, à decano nostro, in multorum