De Adolf Vorst, le 4 septembre 1661
Note [u]
Uppsala universitetsbibliotek, cote Waller Ms benl-00773, page 197.
Quotidio magis magisque intelligo quantum debeam την
μακαριτη patri meo, qui me iam inde à puero bonis studuit
imbuere moribus, et iam provectiorem factum, Angliam,
Galliam, omnib. præferendam regnis, ipsamque etiam adire
voluit Italiam, ut vivere discerem, desineremq. esse ιδιογνωμων ;
quo vitio plerumque laborare solent ij, qui pedem numquam
extra patrium solum extulerunt. Ulÿsses Homericus
laudatur, quod Πολλων ανθρωπων ιδεν αστεα και νοον εγνω,
eoq. nomine πολυτροπου Poëtarum principe vocatur.
Finio epistolam hanc satis prolixam, quam mihi expressit
singularis amor quo virtutes tuas prosequor ac veneror,
téque, Vir doctissime, cum tuis longùm valere et à
me animitus salvere iubeo. Lugd. Bat. Ao ci iɔc lxi
iv viiembris.
Uppsala universitetsbibliotek, cote Waller Ms benl-00773, page 198.
Viro Clarissimo doctissimoque,
Guidoni Patino,
Medico Parisiensi Doctori et
Professori Regio eximio
Lutetiam