Ms BIU Santé no 2007, fo 110 vo.
Cl. Viro D. Step. Scheffero, Medicinæ Doctori, Francofurtum.
Vir Cl.
Data occasione scribendi ad Popularem vestrum,
D. P. Lotichium, qui prior scripto me provocavit nolui desse
officio meo ut per me scires me, cum Deo, inculpapo inculpata
frui valetudine quæ est summa in humanis felicitas : cetera
sunt nugæ et deliria hominum otiosorum. Si quid habeas mihi
scribendum trade tuam Epistolam eidem D. Lotichio, cui
viam certam indicavi per quam mittet quidquid voluerit
Epistolarum. Venerandum Senem D. Parentum tuum
officiosissimè saluto. Responsem tuum expecto de nova
editione libelli Viri Cl. C. Hofmanni. Vale, Vir Cl. et me ama,
Datum Parisijs 7. Iulij, 1662.
Tuus ex animo Guido Patin.
