Ms BIU Santé no 2007, fo 152 ro.
Clar. viro Christiano Utenbogardo, Ultrajectum.
Ecce duab. tuis respondeo, vir præstantissime : quod totam illam sum-
mam Cl. viro D. le Rebours commissam, tandem acceperis, serio gaudeo : al[iàs]
cautiùs agam, et sapiam in posterum : neq. enim mihi in animum induxeram istud neg[otiu]m
tale fieri posse tali modo processurum. Hollerius de morbis internis [geme]t sub prælo, et tendit ad finem :
[ill]um statim ad Te mittam cum Fieno, de signis morborum, quem in dies Lugduno
expecto : habe[bo] viam idoneam : quib. adjungam librum Caroli mei, Fulvium Ursinum
de familijs Romanis, etc. Uterque Filius officiosissimè Te salutat. Amicum
illum tuum Abr. Voest nondum vidi : erit ille mihi commendatissimus. Munuscula
illa literaria Mart. Schoockij patienter expectabo : et de ijs acceptis videbo.
Sed quando venient alij duo, nempe de Fermentatione : et de Cerevisia, auctioris
editionis, cum alia ad me Epistola. Morus ille tuus et amicus meus, Deput[atoru]m
et se[na]torum virorum dec[re]to in pristinum locum est restitutus, à triduo, summo bonorum
gaudio : perendie pro suo restitutione [ora]ionem est habiturus in templo Carentonico. |